dimanche 13 février 2011

"الركبة بلاش ... و الربح كاش"


بالتوازي مع الموجة الرهيبة متاع قلبان الفيسة  و الركوب المجاني عالأحداث تشهد الساحة التونسية وبالأخص السوق الوطني للثورة أزدهار منقطع النضير 
"... أزدهار تحت شعار "الدنيا مع الواقف 
"و في رواية أخرى ... "أنا نقلو ثور و هوا يقلي نحلبوه

تجارة تعددة أشكالها و أنواعها 

شعرات وسائل الأعلام

الموزايك أف أم تبدل شعار بنّة ال أف أم إلى بشعارعلي صوتك 
... برّا يعليهم ربي كيما علاونا

حنبعل أصبحت بقدرة القدير صوت الشعب ... شي مش غريب على قناة
ثورية منذ أنطلاقها و مش غريب على تشيقي نصْرة (تشيقيفارة تونس) و باعث القناة بحكم نشاطو السابق في تجارة الأسلحة


 أشهارات الشركات 



و على قريب نشالا المسابقات




هيا فكرة هايلة برشا و علاش لا تتعمم الظاهرة هذي في جميع الميادين مثلا نعملو تصاور بالفلوس مع اجيش الوطني ... تصويرة مع جندي ب2 دينارات ,  تصويرة مع جندي هزز سلاحو 5 دينارات , الطنق ب10 دينارات

و علاش لا نعملو نصب تذكاري للشهداء و نعملولو تساكر للقصان و نبيعو بحذاه الكاكي و الدخان و الكلوروفيل ...

حتى أنا بش نستغل الفرصة بش نعمل زوز سوردي على أكتاف الثورة
...  من خلال مسابقة عبر الأرساليات القصيرة

: نص السؤال 
شكون من بين الأسماء هذي إلي أنطلقت منّو شرارة الثورة التونسية

محمد البوعزيزي -
عبد السلام جراد -
محمد الغنوشي -
عماد الطرابلسي -
محمد حسني مبارك -

كالعادة نتصوكم حفظتوه الرقم إلي بش تبعثو عليه الأرساليات متاعكم مع العلم إلي دعما للثورة تم التخفيض في سعر الس م س إلي 5 دينارات فقط


: و ليكون شعار المرحلة

"مع الثورة في 2011 ... الركبة بلاش ... و الربح كاش"

10 commentaires:

  1. Ntaleb bta5fidh soum el SMS ... :D
    Bel article !!

    RépondreSupprimer
  2. @Alkhottaf:
    كان أنت طالب ولا عاطل عن العمل ميسالش نحسبلك بشطر السوم
    و للخدامة وراس لحنينة هكا أخر سوم
    :p

    شكرا صديقي ;)

    RépondreSupprimer
  3. يا بنتي يهديك !!! أما كلييونات تحكي عليهم :p

    RépondreSupprimer
  4. Imed Trabelsi évidement!
    Je gagne quoi? :D

    RépondreSupprimer
  5. @Rania:
    يهديك sms !!!
    توا كيفاش بش نسور منها أنا لحكايا هكة :p
    bon
    أجابة صحيحة أما أستنا تكمل المسابقة و نعمل القرعة
    ;))

    RépondreSupprimer
  6. 9ayadha filkarni l 5Dt manse3douch b3adhna wel7al 7al thawra w tadhamon w jaw :p

    ti la 3ad! to yfaskiw 3lya mouch 3adl :((

    RépondreSupprimer
  7. @Rania:
    باهي هاني قيدتلك 5 لاف فالكرني ... أما لازمك تستنا القرعة في أطار الشففية متاع الثورة
    :p

    RépondreSupprimer
  8. على نفسها جنت براقش hhhhh

    RépondreSupprimer
  9. يا معشر المسلمين.غداً مولد سيد النبيين.الذي جاب لنا كتاب الستين.وصلى به البراق في فلسطين.الذي لقب بحبيب المساكين.وحامية المتشردين. فصلوا على سيدنا العفيف.على أمته لطيف.ذو لسانٌ نظيف. قاد العرب من نجدٍ وعبسٍ والرفيف.فباركوا ياعرب بالمولد النبوي الشريف by oma sfaxi.

    RépondreSupprimer