mercredi 30 juin 2010

الصباح ... أنقظو هاذي الطفولة


"قانون تجريم ضرب الأبناء خطوة هامة في رصيد تونس"

هذا عنوان مقال قريتو اليوم في جريدة الصباح يحكي عالطفولة و علا برنامج التعاون بين تونس و منظمة الأمم المتحدة للطفولة (اليونيسف) و إلي يحب يقرى المقال يلقاه هنا
المهم ... بشرى للوالدين إلي مزالو ناوين يحطو يديهم على ولادهم (المرناقية ترحب بكم و تفتح أبوابها للجميع) ... بطبيعة الأمر نتصور إلي لسوام تفرق بين الكف (شهر سرسي ) و المشطة (شهرين) و لا أستعمال أدوات التربية
كي السّبِت و عود الرِشتا(عام و فِسْبا ) إلخ ...

... رغم إلي ماهوش موضوعنا اليوم أما هوا الضرب باهي ساعات لصغار ... و للكبار زادا

أما النقطة المهمة الي تعرظلها المقال هي الأنترنات : " أما بالنسبة للعنف المسلط على الطفل على شبكات الأنترنات تقول السيدة «قاق» أن الخطريبقى محدود في تونس ولا يندرج ضمن أولويات المنظمة اليوم على أنه سيتم ادراجه حسب الأولويات."
... و أنا حبيت نطمن اليونيسف عالطفولة متاعنا مالناحية هاذي
? يا رسول الله هوما قعدولنا 4 مواقع محلولة (منهم موقع الصباح) وليداتنا منين بش يجيهم العنف

أرقد و طمان يا يونيسف ... أحنا عنا عمار ... يحمي فينا كبار و صغار


mardi 29 juin 2010

Ministère de la culture ... guide nous vers la lumière


رغم خيبة الأمل الكبيرة بعد ألغاء حفل الفنان الفرنسي ديودوني في قرطاج و رغم إلي واحد يتمنى يسمع تفسير من عند وزارة الثقافة عن أسباب سحب رخصة العرض ... أسباب من قبيل
(il represente la branche humoristique d'Al Qaîda ... son humour suinte la haine et glace le sang ... ou encore dieudo est le porte-paroles de l'antisémitisme ... )


إلا أنو الأجراء هذا مش غريب بالأخص إنّو السيد هذاعنصر غير مرغوب فيه و في بلادو "فرنسا" (بلد حقوق الإنسان و حرية التعبير و هات ما كاللاوي) مفتقينو من بعْظو و مش مخلّينو يخدم رايض
... DIEUDO تي ربي يهدي الجميع و كيما قال

"Restons, si vous le voulez bien, dans la joyeuseté et dans l’humeur … en attendant la grande rigolade finale qui nous attend tous de toute façon … Alors amusons nous, amusons nous des injustices"

mercredi 23 juin 2010

Yes ... we can't



رغم إلي الكورة ماهيش من أكثر الرياضات شعبية عند لأماريكان و رغم إلي ماعندهمش تاريخ كروي كبير
... إلا أنو الشي هذا ما منعهمش اليوم بش يربحو الجزائر ...

ملاحظة 1 : شي يحشم حتي في دزان البيدق ماناش خالطين
ملاحظة 2 : هالأماريكان مغلّبين علينا في كل شي
ملاحظة 3 : نكبة جديدة للعرب والأفارقة في كاس العالم
ملاحظة 4 : واحد موش لازم يكون عندو تاريخ كبير في ميدان (ثقافة دخيلة) بش ينتصر و يتفوق

المهم نشالا نتعلمو عليهم فالكورة كيما تعلمنا عليها ليه ليه و تفوقنا في حقوق الإنسان, في مكافحة الإرهاب, في الديمقراطية, في التعدودية, في الحريات و في الإعلام ...

و السلام



vendredi 18 juin 2010

معانا ولاّ معاهم


اليوم مقابلة حاسمة و سخونة برشا بين الجزائر و انكلترا ... وأنا حاير في شكون بش نشجع

هوا كان واحد ياخو الموضوع من منطلق كوروي بحت و من ناحيت القيمة الفنّية تو نشجع لنكليز

و كان ناخو لحكايا من منطاق العروبة والأنتماء المغاربي العربي الأسلامي و بعض المعطيات الجغراسياسية تو نشجع الجزائر
... رغم إلي هل حكايت معادش توكل الخبز توا وأحنا عايشين في وقت الصقوتية و قلّة الأصل والعمالة و قلبان الفيستا

و لو انو واحد كان يستغل الفرصة وقت الماتش ويخلي التوانسة يشجعوا بلدهم الثاني الجزائر و يمشي يعمل دورة فالبلاد مادامي فارغة خير ... ومنها واحد يستمتع براحة البال و بجودة الحياة في تونس


jeudi 17 juin 2010

الصّباح ... صباح الفل و اليسمين





كي تقوم الصباح و تقر مقال كيما هذا "خبراء يتوقعون توقف العمل بـ«سكايب» و«ام.اس.ان» قريبا" أكيد نظرتك للحياة تتبدل


مقال كوميدي هزلي و درامي في نفس الوقت, مثير للشفقة
... ويتطلب برشا صبر و كسوحية قلب بش تكمل تقراه الكل ...

المشكل هوا إلي الصحافي هذا مافيبالوش إلي حتى موقع السكايب عل أنترنات يسوني و مايهزش في تونس
? ولاّ زعما فيبالو و مطفي الضوّ

: وزاد ختمها بنقشة قوية برشا, فاصل على طريقة رونالدو
"ويذكر أن مصر- وكذلك الإمارات قبل التراجع- فرضت مؤخرا الحظر على استخدام برنامج «سكايب» على الإنترنت في الهواتف الجوالة ومنعت استغلال هذه البرمجية لإجراء المكالمات الهاتفية الدولية عبر شبكة الإنترنت عن طريقة تقنية VOIP، وذلك بسبب مخالفتها للوائح والقوانين واعتبارها منفذ لتهريب المكالمات الدولية مما يضر بنسبة إجراء المكالمات الدولية بالطرق الشرعية.
"واعتبر القرار نوع من إجراءات الحماية لطريقة تنظيم المكالمات الدولية ولبعض الاستثمارات

: و السؤال إلي يطرح نفسو
? وقتاش بش يفيقو أمثال هالصحافي هذا,إلي في تونس فمّا 10 ملاين عبد مش 10 ملاين بهيم

mardi 15 juin 2010

Dieudonné - Palestine ... Chapeau bas, l'artiste !


video



Hamid a 22 ans et il décide d'aller se faire sauter au milieu de ceux qu'il considère comme l'envahisseur.

Je suis né ici sur ce bord de méditérannée. Dans ce paradis ensoleillé. Palestine... Palestiiiine !
C'est ici que mon père, que mon grand père et tous ceux d'avant sont enterrés.
Dans la chair de ta terre, Palestine !
C'est dans la maison en ruines là-bas au milieu du champ d'oliviers.
C'est là que nous avons chanté, ri, dansé, vibré même comme les cordes de cette guitare manouche, pincées au cœur, cueillis comme des fleurs.
C'est là que nous avons pleuré aussi, pleuré.
Difficile d'expliquer pourquoi on est attaché à un endroit, jusqu'à ce qu'une armée débarque chez toi...

Au début, ils ont tirés en l'air : Ca faisait du bruit, c'était gentil.
Et puis après ils ont tué mon père, et puis mon oncle, et puis mon frère.
Ont fait brûler la maison, détruit jardins et plantations pour y installer leurs colons.
Nous, femmes et enfants déportés jusqu'à ce camp de réfugiés. Sales, froids, on y était entassés.
Seul au loin, le son de cette guitare tzigane me donnait encore la force de résister. La force... de respirer.
Mélodie des gens du voyage, musique des déracinés, elle m'a fait oublier le mal.

J'avais 10 ans, ça fait 12 ans et me voilà maintenant une bombe scotchée sur le bidon,
aspiré dans ce grand syphon. Liberté pour toi Palestine !
Je vais vous faire danser joyeux colons sur le son de mon canon.
Aujourd'hui je suis chef d'orchestre réglant ma note sur celle du temps.
Ce ton gitan sur lequel je virevolte encore...en joyeux papillon...

J'arrive, j'arrive frissonnant destin.
Tel un coup de symbale ponctuant les violons. yemma ! Palestine !
Tu me vois descendre de l'autocar au milieu de tous ces regards ?!
il y a mon coeur, il y a la peur, il y a ce son de guitare...
Anonyme passant je souris à l'enfant et puis au milieu de la rue je te vois belle inconnue :
C'est toi, je t'ai choisi. Vais-je te prendre par la taille et faire danser nos entrailles ?
J'entends d'ici les cris d'effrois déchirer le silence provoqué par ce doigt ...

il y a mon souffle qui s'accélère, manque d'oxygène.
Ton regard qui me fixe. Tu comprends. Ton sac qui tombe, la pomme qui roule.
Reculer ?! Il est trop tard petite.
Y'a mon doigt qui se crispe.
Puisqu'on ne peut vivre tous les deux... Crevons ensemble... Palestine !!!!!

... وين يبيعو فيك

في مدونتي السابقة إلي لعب عليها المقص حكيت عل مدون الوطني و قلت و أكدت إلي أنا مدون وطني وعلقت التصويرة هاذي ... بطبيعة الحال إجابت عمار جات في وقتها و تسنسرت المدونة بالوقت ... وفهمت وقتها إلي الوطنية عزيزة و غالية و ماهيش ملوحة لأمثالي أنا

المهم اليوم هاني رجعت و حبيت نسأل بعض الأسألة المهمة

? بالاهي كيفاش نجم نولي مدون وطني -
? من عند شكون إنجم ناخو الإذن -
? وعلى شنوة واحد ينجم يحكي بش نظهر حبي للوطن -

المهم إلي عندو إجابة يعاوني يرحم والديه مسبقا
" وكيما قالت أختي فاطمة بوساحة " وين يبيعو فيك ... نشري جهار بهار ... ندفعلك بشيك ولا بدولار ...

dimanche 13 juin 2010

... ظالم يا غزال


مخالفة مجانية ... و لمسة يد مجانية ... و كان ما رصات في مشاركة مجانية خلاص
و كالعادت في كاس العالم نثبت نحن العرب إلى لا جينا لا لسوق ولا لصندوق



samedi 12 juin 2010

أسطول الحرية

... تحية لي أصحاب الضمائر الحيّة