إن لم تستحي ففعل ماشئت
أما أنا يوم نحب نقول أن لم تستحي فكن كلطفي لعمار
بكل بساطة أنسان ما يذوقش ... يكذب ولاّ "يغلط" المرة الأولى و ما يقدمش أعتذار بل يواصل التقدم أما المرة هذي بالكذب و بالتبلعيط مع سبق الأصرار و الترصد
في الإعادة إفادة كيما يقولو رغم إلي أنا حكيت قبل في الموضوع هذا هنا
الناس إلي ما فيبالهاش الفديو هذا يلخص الحكاية
: بش نجاوب بسرعة علي بعض النقاط و هيا
أول حاجة نحب نقولها هو إلي القنوات هذي ما قالت شي ... فقط حطت اللقطة إلي أنت حطيتها في تصاور ومعها الصوت واضح لشنوة قال السيد إلي أنت حبيت تعديهولنا يحرض على العنف
ثاني حاجة و هيا الأهم , مش صحيح إلي نسبة المتابعة متاع القنوات العربية أنخفضت أنخفاض كبير ... غالط !!! خاصة وقتلي أشكالك أنت و سيء الذكر "وليد الزراع" معبين المشهد أعلامي التونسي
أما نحب نضم صوتي لصوت هالبوراس وليد و نطالب الحكومة بالضرب بشدة على الأيادي العابثة و إلي تحب تعبث بتونس و مستقبل تونس وأخص بالذكر جراثيم الأعلام و الصحافة بودورو
الغريب في الأمر إلي السيد هذا وبعد هذه المهزلة الإعلامية و بعد المردود الضعيف و الهزيل في الحوار التلفزي مع الباجي قايد الغلبة "سيئ الذكر أيضا" ... سي لطفي مشا شرالنا مقرون
مقرون البطولة و الوطنية و المسؤولية ... ليصبح حامي الوطن و الأمة
كيما تراو في الفديو هذي
صديقي لطفي مبروك عليك منصب المدير العام للأمن الوطني و الأجابة الوحيدة إلي نجم نعاونك بيها هيا أخدم خدمتك وياربي تخلط و أخطاك من دور البطولة مش طالع عليك ... و كي يعديوها عليك المرة الجاية قول عداوها عليا نقطة وأرجع لسطر
وكان على المقرون راك شريتو مخر ننصحك تحطو و تتربع فوقو وتفيدنا بسكاتك
....
كنت أعتقد أنك صحافي فاشل ولكني أخطأت
و ها أنا اليوم أسحب كلامي لأنك أبعد ما يكون عن هذا الوصف ...
أقولوها و أمضي
على طريقة بو لحناك وليد
...
والسلام
