سؤال عالطاير

Partager

و السؤال إلي يطرح نفسو ... 

ولد شكون بش يطلع في أخر حلقة ... ؟ ولد شكون هالتحفون يا خضراء ؟؟؟

إجا وعمل طلة ... يا عمار

Partager

جيت نعمل في طلة على ركن الإحصائيات فالمدونة متاعي ...

!!! وما راعني إلا أني نلقا فمّا زوار من تونس

كيفاش يكون عندي زوز زوار من تونس الجمعا هاذي ...

 (والمدونة محجوبه(شوف الربط

? زعما فما لُجنة فالوكالة التونسية للأنترنات ... جات تتفقد فالمحل و في خدمة عمار

? و هوا فمّا غيرهم يجبد منوا للعين و يبحر فالأنترنات ماغير فيلتر 

زعما الفلتروات ولاو يقطرو المدة الأخرة ? و لاّ يطلعشي سي عمار تغرم بالبلوقسفار  ? يسنسر و مباعد يقعد يتبع فالمحلات إلي شمعها

بصراحة كان يطلع هوا ... شي ما يساعدش وكيما قالو ناس بكري

!!! "محل مسكر ولا كرية مشومه" 

(;

الصباح ... أنقظو هاذي الطفولة

Partager

"قانون تجريم ضرب الأبناء خطوة هامة في رصيد تونس"

هذا عنوان مقال قريتو اليوم في جريدة الصباح يحكي عالطفولة و علا برنامج التعاون بين تونس و منظمة الأمم المتحدة للطفولة (اليونيسف) و إلي يحب يقرى المقال يلقاه هنا

المهم ... بشرى للوالدين إلي مزالو ناوين يحطو يديهم على ولادهم (المرناقية ترحب بكم و تفتح أبوابها للجميع) ... بطبيعة الأمر نتصور إلي لسوام تفرق بين الكف (شهر سرسي ) و المشطة (شهرين) و لا أستعمال أدوات التربية

كي السّبِت و عود الرِشتا(عام و فِسْبا ) إلخ ...

... رغم إلي ماهوش موضوعنا اليوم أما هوا الضرب باهي ساعات لصغار ... و للكبار زادا

أما النقطة المهمة الي تعرظلها المقال هي الأنترنات : " أما بالنسبة للعنف المسلط على الطفل على شبكات الأنترنات تقول السيدة «قاق» أن الخطريبقى محدود في تونس ولا يندرج ضمن أولويات المنظمة اليوم على أنه سيتم ادراجه حسب الأولويات."

... و أنا حبيت نطمن اليونيسف عالطفولة متاعنا مالناحية هاذي

? يا رسول الله هوما قعدولنا 4 مواقع محلولة (منهم موقع الصباح) وليداتنا منين بش يجيهم العنف

أرقد و طمان يا يونيسف ... أحنا عنا عمار ... يحمي فينا كبار و صغار

... وين يبيعو فيك

Partager

في مدونتي السابقة إلي لعب عليها المقص حكيت عل مدون الوطني و قلت و أكدت إلي أنا مدون وطني وعلقت التصويرة هاذي ... بطبيعة الحال إجابت عمار جات في وقتها و تسنسرت المدونة بالوقت ... وفهمت وقتها إلي الوطنية عزيزة و غالية و ماهيش ملوحة لأمثالي أنا

المهم اليوم هاني رجعت و حبيت نسأل بعض الأسألة المهمة

? بالاهي كيفاش نجم نولي مدون وطني -

? من عند شكون إنجم ناخو الإذن -

? وعلى شنوة واحد ينجم يحكي بش نظهر حبي للوطن -

المهم إلي عندو إجابة يعاوني يرحم والديه مسبقا

" وكيما قالت أختي فاطمة بوساحة " وين يبيعو فيك ... نشري جهار بهار ... ندفعلك بشيك ولا بدولار ...