vendredi 31 décembre 2010

حرّة ... و بحزم


mercredi 29 décembre 2010

نعم للوقوف بحزم ... يا سيادة الرئيس




"وسيطبق القانون على هاؤلاء بكل حزم, بكل حزم"
[زين العابدين بن علي]




حتى أنا ,يا سيادة الرئيس , قاعد نتبع بإنشغال كبير الأحداث إلي قاعدة تصير في سيدي بوزيد و غيرها من مناطق الجمهورية المدة الأخيرة
كيما أي تونسي غيور عالبلاد و تهمو مصلحتها, و بهذه المناسبة أسمحلي اليوم و من خلال هالمدونة البسيطة بش نقلك إلي الفنّ كيفو كيف أغلبية التوانسة ...
: يتمنا و يطالب بتطبيق القانون بكل حزم و بالوقوف بشدة



في وجه الأعلام الرديء إلي قاعد يظلل و يستبله فالرأي العام *
و إلي بطبيعة الحال قاعد يدفع فينا للبحث عالمعلومة في وسائل أعلام أجنبية معادية لتونس كيما أشرت سيادتك في خطابك


في وجه صحافة المجاري إلي قاعدة تسرب فالأكاذيب و إتفه فالقضية *
الصحافة إلي قاعدة تتعامل مع الأحداث الأخيرة و كإني سيدي بوزيد تنتمي إلى مجرة أخرة, الصحافة إلي من خلال ممرساتها هذي تعبر عن أستخفاف و إستهتار بالشأن العام و بمشاغل المواطن


في وجه سياسة الحجب و تكميم الأفواه إلي يمارس فيها الرقيب عمار *
على كل رأي مخالف ... سياسة تتعارض مع القانون و مش ممكن تتواصل في ظل دولة تحترم عقول مواطنها
و أعتقد إلي أصبح من الواجب قطع يد عمار و أعوانو إلي قاعدين يتطاولو على حقنا فالمعلومة


في وجه الفساد و رشوة و المحسوبية و غيرها من الأوبئة إلي قاعدة تتفشا *
في مجتمعنا التونسي و إلي هيّا من أهم لأسباب ورا الأحداث الأخيرة


في وجه الحلول الأمنية و أستعمال العنف و التظيق على الأحتجاجات *
و المظاهرات السلمية
... على خاطر هذا أمر مرفوض في دولة القانون و المؤسسات
على خاطر التظاهر هوا حق من الحقوق إلي يكفله الدستور للمطالبة بحق او لرفض وضع ما و أعتقد إلي تاريخ أثبت إلي أستعمال العنف لمواجهة الأحتجاجات الأجتماعية يزد من تعقيد الأمور و ما عندو وين يوصل





يا سيادة الرئيس, اليوم أصبح من الواظح إلي الشعب هذا مريض و يعاني عديد المشاكل (فقر , بطالة, تهميش ...) لكنو مزال حيّ و جاء الوقت بش يطالب بالحقوق متاعو و بش كلمتو تولي مسموعة


"إذا الشعب يوما أراد الحياة فلأبد أن يستجيب القدر"


و السلام


samedi 18 décembre 2010

حكمة اليوم ... ينصر دينك يا أستاز نفيسة



: حكمة اليوم

ينبغي أن نحكم شيء من التعقل في التعاطي مع مثل هذه الحالات, حالات الأنتحار اللتي تجري ونستمع إليها يوميا و بشكل يومي في تونس و في كل بلدان العالم
 لا يمكن أن تنتهي الخلاصة منها إلى موضوعات سياسية تتعلق بتخيل قضايا أنسداد
 و تخيل أزمات لا توجد إلا في أذهان أصحابها

["فيلسوف الأنوار ... العلامة برهان بسيس "العظيم]



mardi 14 décembre 2010

??? و مبعد شنعملو





















: بربي عندي شوية أسئلة نحب نسألهم ... أما المرة هذي ماغير جوائز

بغض النظر على الموقف مالصفحات هذي ...

? توّا مبعد ما نسكرو هالصفحات ... شنوة إلي بش نربحو

? زعما بش يكونو أخر صفحات مالنوع هذا

??? زعما وقيت نرجعو لحكايات المبيد و غيرو

"Ni putes ni soumises Tunisie" شمدخل 
??? فالحكاية ولا زعمة فمْا علاقة بالتنورة المرة هذي زادا  
o_O

أيّا أخطاني لا نتحط حتى أنا فالحنديرة
 :p





lundi 13 décembre 2010

Coup de cœur EL FAN FM : I feel love




I feel love - The Kelly Family



Hey little pigeon where are you coming from,
You flew across the sky and now you're in my hometown.
Hey little pigeon here's where you're flying to,
Take this letter to her house,
By the riverside, riverside.

I feel love when I look,
I can't wait I'm really shooked
I feel love when I look into your eyes

You searched for my treasure,
Over the Atlantic sky did she get my
Message right did she laugh or cry.
Hey little pigeon oh if you only knew,
The things I'd do to fly with you,
To hear her reply, her reply.

I feel love when I look,
I can't wait I'm really shooked
I feel love when I look into your eyes

When I look into your eyes
...

mardi 7 décembre 2010

أحبّك يا شعب ... يا حبّوب يا حنين



نحب فالبداية نهني الأقليات المسلمة في تونس و في جميع أنحاء العالم الكلب هذا
بمناسبة حلول السنة الهجرية الجديدة 1432 ...
رغم إلي السنة إلي تعدات أنتهت بالحزن بعد وفات احد أعلام تونس في علم التلاوات وهو الشيخ عبد الرحمان الحفيان شوف هنا ... ربي يرحمو و يرحمنا
و نشالا كل عام و الأمة الأسلامية في خير و نعمة ... و عزيزة بولبيار كان لزم


***
نرجع توّا
"لنهار لحد حيث عاشت تونس على وقع أحياء ذكرى أغتيال الزعيم "النيييييقابي
(حسب معجم الجيب متاع تونس 7)
الشّهيد فرحات حشّاد


شوفو الفديو هاذي




بعد ألفين أربعتاش ... بعد ألفين أربعتاش ... أربعتاش بعد ألفين
بعد ألفين أربعتاش ... بعد ألفين أربعتاش ... أربعتاش بعد ألفين


المعذرة على العطب التقني هذا... مش هاذي الفديو إلي حبيت عليها أما ما نجمتش نشد روحي و تخمرت مع التحرك التلقائي متاع الجماهير ...



يا خويا محلاه هالشعب قداش حبوب و يربي الكبدة ليه ليه
شي يخوف و أنا بصراحة وليت نخمم ما نرشحش روحي للأنتخابات متاع عام 2024 ...
نخاف لا نربح و معادش نجم نتخلى على هالشعب لحنين
... زعما مبعد شنعمل كي نحب نرتاح
"ترصيليش حارق في بلانصي عقاب الرحلة و نغني في "ماني ماني ماني يا روما
... لا ما يسعدنيش
:p


المهم موش هذا إلي حبيت نحكي عليه اليوم
... أما الله غالب "سبليتو" شي أقوى مني

عاد بالمناسبة هذي حبيت نحكي اليوم على صفحة حلوة و هادفة فالفيسبوك وهيا صفحة
"الزّعيم القائد الشّهيد فرحات حشّاد"
صفحة تلقاو فيها صور و فيديوات تحكي على شهيد الأمة ... صفحة ممتازة و هيا أقل ما نجمو نقومو بيه فالذكرى هاذي ... وحبيت نقول إلي في تونس معناش كان الصفحات التافهة ... عنا صفحات فالمستوى كيما الصفحة هاذي ... و تحية للمشرفين عليها

***


نرجع لموضوع الأنتخابات و بش ندخل للغريق أما كان بطيت و ما رجعتش كلمولي الحماية المدنية
اليوم نحب نقول فالأخر إلي بديت نخمم بجدية فالترشح للأنتخابات
"بالطبيعة موش الجاية :)))"
... بالأخص بعد ما قريت الخبر هذا ...


نتصور على قريب يولي عمري يسمحلي بالمشاركة ...
ومن هنا للوقت هكا بش نبدى نحظر في روحي
??? كي طارق المكي ... و أنا شعندي نعمل

أيا نهاركم طيب

***

فلقد استبدل شعبنا ذلك العصر بحياة مشتركة في السراء و الضراء و أصبح يشعر بأن نجاح الفرد و سعادته في سعادة الجميع و عزته الشخصية في عزة بلاده و وطنه و كرامته البشرية في كرامة أمته و احترام كيانها و سيادتها و أصبح الأمير يلتقي مع أبسط الأجراء عند المصاب لأن السهم موجه في الحقيقة لجميعنا فنجابه الخطر في وحدة شاملة حيث أن الذي أصابه السهم هو أحدنا.
تلك هي العبر التي أملتها علينا مشاهدة الوحدة القومية التي تجلت بمناسبة كارثة النفيضة و قد كانت عنوانا للتضامن الفعال و عربونا للفوز القريب .
سقط المضربون بالنفيضة فتوقفت الأمة بأكملها منادية بالقصاص فتجاوبت الأصداء من كل ناحية و اعتقل المضربون بزغوان و النفيضة أيضا فصرخت الطبقة الشغيلة كلها و الشعب التونسي معها كرجل واحد في يوم يشهد به التاريخ أنه من أيام الفخر و الذكريات التي لا تمحى.
فأحبك و أخلص لك العمل .
و إن دمت هكذا متحدا فوالله لن تغلب أبدا.
"الزّعيم القائد الشّهيد فرحات حشّاد"


"أحبّك يا شعب ... يا حبّوب يا حنين ... يناعمبو زينك محلاك"
"الزّعيم القائد الشّهيد الفنّ"


dimanche 5 décembre 2010

إنا لله و إنا إليه راجعون


إنا لله و إنا إليه راجعون ... توفي الشيخ عبد الرحمان الحفيان
 نسأل الله أن يتغمد الفقيد بواسع رحمته وأن يسكنه فسيح جناته



الشيخ الدكتور عبد الرحمان الحفيان

أستاذ متعاقد بالمعهد الأعلى للشريعة

أستاذ زائر

"مدرس برابطة الجمعيات القرآنية "إمام خطيب

عضو لجنة التحكيم الدولية لمسابقة حفظ القرآن الكريم وتفسيره وترتيله وتجويده

عضو لجنة التحكيم الداخلية والخارجية لحفظ القرآن الكريم وتفسيره وترتيله وتجويده

عضو لجنة تصحيح المصاحف العامة

عضو لجنة تصحيح المصاحف بالمجلس الإسلامي الأعلى بالوزارة الأولى

الشهادة العالية للقراءات وعلوم القرآن والصوتيات

شهادة التخصص للقراءات وعلوم القرآن والصوتيات

الشهادة العالمية للقراءات وعلوم القرآن والصوتيات

أكاديمي في الصوتيات

باحث في الدراسات

تحقيق رسالة ابن الجزري (قراءة نافع) مع المرحوم الشيخ محمد الشاذلي النيفر

تأليف المختصر المفيد في علم التجويد

تأليف الأخطاء عند الأئمة والقراء في سورة الفاتحة
الإشراف على تصحيح مصحف الجمهورية التونسية - رواية قالون

المصدر 



samedi 4 décembre 2010

صور الأسبوع ... النار في ملعب النار






النار في ملعب النار
و مدام لا خير لا فينا لا فيهم ... خلي ربي يهزّ متاعو

jeudi 2 décembre 2010

Wish I Could Fly ...





Halfway through the night 
I wake up in a dream 
Echoes in my head 
Make every whisper turn into a scream 

I dreamed I could fly 
Out in the blue 
Over this town 
Following you
Over the trees
Subways and cars 
I'd try to find out 
Who you really are

In the middle of the night
Cool sweating in my bed 
Got the windows open wide
Thinking about all the things you said

I wish I could fly
Out in the blue 
Over this town 
Following you
I'd fly over rooftops
The great boulevards 
To try to find out
Who you really are
Who you really are 

I wish I could fly now
Wish I could fly now
Wish I could fly now

I wish I could fly
Around and around 
Over this town 
The dirt on the ground 
I'd follow your course
Of doors left ajar
To try to find out 
Who you really are
To try to find out
Who you really are 

lundi 29 novembre 2010

السلطة الرابعة ... و مكافحة الأدمان






بعد النجاح الكبير لفقرة "السؤال / جواب" الجمعة إلي تعدات 
وليت نخمم نردها برنامج كامل
 ... بصراحة الأسئلة الفلسفية كثرت برشا المدة الأخيرة و ربي تسترنا و برّا

موضوع اليوم كيما ظاهر مالعنوان هيّا "السلطة الرابعة" من ناحية و الأدمان من ناحية أخرى و عنا تلاثة أسئلة لمن يريد المشاركة

***
1 السؤال


مش بش نسأل على أحنا في أما نهار من نهارات الجمعة خاطر السؤال
: ساهل برشا أما أنا نحب نعرف السيد هذا إلي كاتب المقال شعامل قبل ما يكتب

 ستيكة بيرّا -
تلاثة كعبات مرناق -
كحول للشعول -
 كسكروت بالسيراج -
حاجة أخرى : الرجاء تحديد النوع و الكمية -

***

2 السؤال


و السؤال ... في أما بلاد تم أنتاج السلعة إلي وقع  أستهلاكها
: قبل أجراء الحوار إلى سمعتوه فالفديو هاذي 

كولمبيا - 
بوليفيا -
أفغانستان -

بلد أخر الرجاء ذكر الأسم و القارة -

***

3 السؤال




مش بش نسأل عالشباب الصيني إلي حاظر ... خاطرو ظاهر 
مداوي و يقرمش في حرابش لعصاب صباح و ليل
? أما نحب نعرف شنية السلة إلي واحد ينجم يكنسوميها بش يهضم خبر كيما هكا 
الرجاء تحديد أسم السلعة و أسم أقرب مروج أو نقطة بيع في تونس



: للمشاركة أرسل أرسالية قصيرة على الأرقام التالية
 7777 : من تونس
+216 7777 : من جميع أنحاء العالم
يمكن أرسال أكثر من أرسالية واحدة لتوفير فرصة أكبر للفوز ...
 سعر الأرسالية الواحدة 7 دينارات فقط


***
بصراحة وسائل الإعلام تكنسومي بدون شفقة ولا رحمة ... و أنا بصراحة من موقعي هذا نطالب السلطات بظرورة الوقوف بحزم و أجراء الأختبارات و التحليل اللازمة  لناس إلي تخدم فالمجال هذا ... وفقني الله وإياكم لما فيه صلاح الأمة ... أمين يا رب العالمين



بش نخرج شوية عالموضوع أما بش نقعدو في الجوّ الحفالي هذا مع أبيات مؤثرة كان يرددها جمهور الترجي فالماضي

شيعارو زطلة ...
غرامو نطرة ... 
و يشرب بيرّا سان بيتيي ...

و السلام

jeudi 25 novembre 2010

كلنا بصوت واحد ...هيييييييييييي


مساهمة مني بمناسبة الاحتفال باليوم العالمي للقضاء على العنف ضد المرأة ...
الله غالب مانجمش نلبس تنورة ... أما هاني خذيت نهار كونجي بالمناسبة بش نحتفل مع بنات بلادي و ليهتف كل النساء والرجال الواعين بصوت واحد
" الي بتأصر تنوره الي بتأصر تنورة تلحأها عيون الشباب
...هييييييييييييييييييييييييييييييييييييي"


فرس كرم الراعي الرسمي لليوم العالمي للقضاء على العنف ضد المرأة

mardi 23 novembre 2010

الفنّ أف . أم : (Annexe) - حملات التحرر


بالرغم إلي حاولة نعمل موجز للأنباء في جزء واحد (شوف هنا)أما الله غالب الحملات مزالة متواصلة 
و تلزيت نزيد ملحق بش نكون قريب لأوفياء الإذاعة
 :p

***

النشرة هاذي مساندة "الحي يروح" الراعي الرسمي للروح الرياضية

***
كالعادة نبدى بفقرة "فيسبوكيات عيب" و جبت معيا زوز صفحات هايلين برشا
KGB الصفحة الأولي هيّا صفحة "حملة تنظيف قصر هلال ميل

  ... يا الله ما هذا الأبداع ... روعة , شي كبير يا عمري ... 
بربي زدونا مالحملات الراقية هاذي ... حملة جميلة و حساسة ترمي لحماية العرق القصر الهلالي المجيد ... لناس إلي ما تعرفش قصر هلال وين تجي شوف هنا ... و يا جماعة بجاه ربي لنقف وقفة حازمة لحماية أهالي قصر هلال من الأنقراض
;)

الحملة الثانية متاع اليوم هيا حملة
"Ni putes ni soumises Tunisie"
:s

DIEUDO أو كيما يقول 
"Mi figue, mi raisin"

بصراحة منجمش نقول أي حاجة فالحملة هاذي خاطر اللوبي النسائي قوي برشا في تونس و أنا نخاف على روحي لا يحطولي لعصا فالعجلة
خصوصا وأنا في بداية الطريق
 أما يعمل الله و ليمات بناتنا 

***

"الجمعة هاذي بش نبدا فقرة جديدة بعنوان "سؤال و جواب
: السؤال متاع الأسبوع هذا هوّا
Qui ne respecte pas la volonté du président Ben Ali ?

السؤال هذا أطلقو موقع تونيفزيون بعد ما تم حجب مقال يحكي على أغنية "ريس البلاد"  من طرف عمّار ... حدث صار عليه برشا حس و أنا بصراحة عجبتني تدوينة تكتبت في مدونة هنا تونس و إلي دار فيها حوار شيق عالموضوع ...

الأجابة بطبيعة الحال عالسؤال ما بطاتش و تم حذف المقالات الكل إلي حكات عالحكاية فالموقع متاعهم ...
وضاهرلي و الله أعلم الشخص إلي تلوج عليه التونيفزيون ... هوا الشخص إلي هزْ التليفون و قللهم نحي علينا هالمقالات إلي تضر بسمعة البلاد  ...
:p

 ما نجمش 
نزيد نعطي توضيحات أكثر
: للمشاركة أرسل أرسالية قصيرة على الأرقام التالية
 7777 : من تونس
+216 7777 : من جميع أنحاء العالم
يمكن أرسال أكثر من أرسالية واحدة لتوفير فرصة أكبر للفوز ...
 سعر الأرسالية الواحدة 7 دينارات فقط



المهمّ موقع تونيفزيون حب يلقط خبزة و يتمعش شوية مالقضية (قضية الحجب بالطبيعة) أما أنا متأكد إلي المرة هاذي عرفو إلي خبزة صعبة برشا و إلي لزمها عصرة قارص بش تتعدى ...
و أحنا نلومو على عباس شبيه عامل هكا فالقضية الفلسطينة
lloollooll
تربي يهدي و برّا
***
نختم بخبر خفيف و ممتع في نفس الوقت ... الخبر يحكي على كلب تونسي و إلي عطاتو الدنيا الكلبة هاذي و تم الأحتفال عالعيد ميلادو ... 
عيد ميلاد بالزازا و البربر و الشيخات ... شوف هنا... 
أي نعم كلب مسلكها و أنا عيد ميلادي معديه 
  ??? مع صاحبي "شرع الله" نشرب في كبوسان
:'(
!!! عيب وربي عيب
معادش فيها حديث


أيا نبقيكم على خير و نخليكم توّا مع شوية من غذاء الروح
: أبيات شعر متاع الإمام الشافعي الله يرحمو و ينعمو كي قال

تموتُ الأسدُ في الغابات جوعاً           ولحمُ الضَّأنِ تأكلهُ الكلابُ
وذو (جهل) ينام على حرير   وذو (علم) مفارشه التراب

و السلام

dimanche 21 novembre 2010

الفنّ أف . أم : Les News - حملات التحرر


كيما العادة و مع بداية كل أسبوع الفنّ أف . أم تقدملكم نشرة لأهمّ الأنباء ...
أمّا اليوم مش بش نحكي فالسياسة ... برجولية مش وقتو و زيد أخطانا مالهمّ و النكد و خليه واحد عامل جوّ و 66 كيف ...
نبدَ بركن "فيسبوكيات عيب" ... اليوم جبتلكم صفحة مالفيسبوك عجتني برشا ...


"Tous ensemble pour la liberation de Cheb Mami"

??? الله الله ... ما عنا ما نصنعو هالأيامات كان بش نتلهاو بالشاب مامي
نقصتنا صفحة "معا لرفع المظلمة على باعة أوراق البرومو سبور" و أمورنا توضاح
??? وفات مشاكل غشاء البكارة و المرقاز و الطهارة 

 لا يا خويا مزلنا واحلن فيهم و مش وقتو ... أما إلي يلقا فيكم وقت ميسالش يعطي

 كو دمان" للجماعة" ...

***

مالشيرة لخرة عنا حملة أنطلقة عندها مدة عالفيسوك ...
 الحملة تحت عنوان "سيب لخضر" ... شوف هنا 


الحملة هذي تحت شعار "كل التونسيين مع الحق في جواز السفر... وحرية التنقل" و بصراحة حملة هادفة و تستحق التشجيع ... حق التنقل حق لتوانسة الكل وأنا ما نجم كان نضم صوتي ليهم و نطالب بتطبيق الدستور و الوقوف بشدة في وجه المخالفين لما ينص عليه القانون التونسي ...
??? أما بربي نحب نعرف علاش أبسط الحقوق متاعنا مناش خالطين عليها
??? هاو مرة سيب صالح و مرة سيب لخضر و سيب بابا
!!! أه !!! ضاهرلي بديت نخرج عالموضوع
??? أيا أخطاني لترصيلكم عملين صفحة بعنوان "سيب الفنّ" ... وأنا شمدخلني

***

الحملة الأخيرة إلي نحب نحكي عليها هيّا بطبيعة الحال حملة حل بلوغ ...
سبقلي و حكت عليها هنا ...


الحملة هاذي إلي تشجع مستعملي الأنترات بش يعلمو مدونات و يعبرو على رايهم في مختلف المواضيع بصراحة ممتازة برشا و لقات نجاح كبير و برشا مواقع تونسية حكات عليها كيما موقع موزيك أف أم
, نجاح واظح بالأرقام شوف هنا عدد المدونات الجديدة إلي تزادت للمشهد البلوغسفاري التونسي ... تحية للناس القايمة عالبادرة هذي و إلي نشالا تساهم فالقضاء على حملة "سكر جلغتك" إلي باركة عينا عندها سنين


***
نختم الجولة متاع اليوم بشوية أدب و ثقافة ... 
باهي واحد يستمتع بشوية من غذاء الرّوح سعات ...
مع أبيات شعر في مدح الصحافة التونسية للأخ رضا الماجري
 "بعنوان "صحافة المجاري

يلّي خلقكم ربّي صحافه
وعبد العبادل مسخكم سخافه,
يا ساكتين على الأمانه
متمعشين من الرّصانه,
العيشة تحفه والعمر سعفه
وكلّ ساكن راكب في جحفه
وفي المديح لقلم يحفَ
ووراق الجرايد للهم لحفه
والشّعب داري بكلّ إلّي جاري
واللّي الصّحافة صحافة مجاري...


***
كيما ريتو اليوم زادا عملت شوية أشهار مجاني ... شي عادي وقت إلي ملقيتش شريكة تدعمني و تمول القناة ... أما هاني طحت بخيط صحيح و ممكن برشا نهبط الجمعة الجاية بمريول مكتوب عليه
"UNICEF" 
كيما البرسا ... للحديث بقية



mercredi 17 novembre 2010

7ellBlog ...




7ellBlog ...
 ... حملة جديدة بدات البارح فالبلوغسفار و الهدف منها تجشيع و توجيه مستعملي الأنترنات في تونس بش يعبرو بكل حرية من خلال مدونة

مبادرة طيبة و نشالا نراو نتايجها الإجابية في أقرب وقت
 : بش تزيدو تتعرفو عالحملة شوفو هنا



عمّار ... غرْغرْ 
:p

dimanche 14 novembre 2010

الفنّ أف.أم : Sex News : "Interdit aux moins de 18 ans" - Partie II




عودة مع شريط الأنباء الأسبوعي إلي بديتو هنا ...
 اليوم بش نواصل الجزء الثاني و الأهم مالجولة الأخبارية
اليوم حلقة خاصة و خاصة برشا ... حلقة ممنوعة على ما دون 18 عام
بش نحكي عالجنس و أخبار ممارسة الجنس من عدة زوايا ... 

Âmes sensibles s'abstenir !!!

"في البداية حبيت نهني الشعب التونسي باليوم العالمي ل"الدماثة و اللطف
أو ما يعبر عنه باللغة الفرنسية
la journée mondiale de la gentillesse
نشالا ديما فرحانين و أعاده الله علينا باليمن و البركة
و أنا بهالمناسبة السعيدة بش نتراجع عالتنكيل بالعلوش إلي وعدت بيه في التدوينة السابقة ... و يجعلو لربي و برّا

***


الخبر الثاني يخص الإعتداء الفظيع على الصحفي توفيق العياشي المحرر بصحيفة "الطريق الجديد" و لمزيد من المعلومات تنجم تقراو المقال هذا متاع الصحفي زياد الهاني ... الأعتداء غريب شوية أما الأغرب فالحكاية هوا الكلام إلي قالو أحد رجال الأمن كيما جا فالمقال
"أحد أعوان الأمن الذين تداولوا موضوع الاعتداء، سأل الزميل عن سبب تأخره في العودة إلى منزله، مبيّنا أنه شخصيا ورغم اشتغاله بالسلك الأمني، لا يغادر منزله بعد الساعة الثامنة ليلا"
o_O

لا يا بابا ... إلي يقول فيه  رجل الأمن هذا مش صحيح و يظر في سمعة البلاد
 ... عيب و خاصة كي يجي من رجال الأمن ...
 يا بابا في بلاد الأمن و الأمان و رفع لأثقال مش ممكن يكون كلامو صحيح ...
 أحنا في بلادنا حتى الفار و القطوس يباتو فرد حفرة و يلعبو مع بعظهم فالخُميسة ... 
??? شنوة الريق هذا و شنوة الكلام إلي تحكي فيه 

حمدولا إلي واحد مش عايش في منطقة متاع نزاع مسلح و لا راهم قلونا ما تخرجوش من تحت الغطا في بيت النوم
;)

***
السكوب متاع الأسبوع نلقوه على موقع "الليدرز" التونسي و إلي يحكي على أختطاف الباخرة حنبعل 2 في خليج عدن على يد قرانة من الصومال شوف هنا 
خبر ثلاثي الأبعاد و يمكن خماسي زدة ... و أهم ما جا فيه

Attente, émotion et gratitude : au siège de la compagnie Gabes Marine Tankers (GMT), à Ezzahra, du groupe Férid Abbes, armateur du navire Hannibal II, capturé jeudi à l’aube, au Golfe d’Aden, la sérénité l’emporte. Espoir et confiance en un dénouement heureux, surtout après les  instructions du Président Zine El Abidine Ben Ali, immédiatement données aux autorités tunisiennes pour « suivre, heure par heure, l'opération de détournement et s'employer, en coordination avec toutes les parties concernées dans la région, à mettre fin à cette opération dans les plus brefs délais ainsi qu'à la préservation de la vie des ressortissants tunisiens, membres de l'équipage du navire Hannibal II. » Et profonde gratitude au Chef de l’Etat

أنا مافهتش الهدف متاع الخبر هذا شنوة أما نشالا يا ربي فالصومال تطلع لنترنات مقصوصة و ما يقراوش هالخبر لا يعملو حاجة في ولادنا
 ... "و في كلمتين برافو لموقع "ليدرز



***
و نختم الحلقة بالروميكس الخشين متاع أغنية
bob sinclar "love generation"
و إلي تعدا حصريا على قناة تونس 7 ... 
روميكس مهبول لغناية ولا أحلا
Enjoy !!!





النشرة متاع اليوم وفات و لنا عودة فالقريب العاجل
(;


***



أه حقا ... نسيت بش نقول إلي حكاية أخبار الجنس تفدليك و برّا
حبيت نعمل مروغة على طريقة السينما التونسية و نجلب شوية مشاهدين أو ما يعبر عنو بنظرية الصدمة متاع أمريكا
و نشالا بطريقة هاذي بش نفوت موقع الموزايك في عدد القراء
p:


و إلي مش عاجبو بينتنا الأحصائيات
(;


vendredi 12 novembre 2010

الفنّ أف.أم : Les News - Partie I



موجز لأهمّ الأنباء في نهاية هالأسبوع الشيّق 
اليوم بش نعمل دورة في برشا مواضيع ساخنة ... ثقافة أقتصاد رياضة و كالعادة السياسة حاضرة معنا فالخلفية و بين السطور 
و ربي يوصل بسالم و برّا...

***
بش نبدى أول حاجة بالسِّرك ...
 و بالعروض إلي يقدم فيها السرك الإيطالي "بِلّوتشي" في "تونس ... سبقلي و حطيت الصور متاعو في تدوينة سابقة ...شوف هنا

يقول القايل واحد موش ناقص سرك في حياتو ... تبركلا علينا وين تتلفت تلقا الخير ... تحل التلفزة تتفرج فالسرك, تحل الراديو تسمع السرك ... فالفيسبوك تشوف فالسرك وبلوشي مالفوق ...

بصراحة أنا قلت مافيها باس نمشي نبدل الجوّ ونختار سرك على كيفي و أنا نتصورها فرصة باهية خاصة للوالدين بش يهزو ولادهم الصغار يتفرهدُو شوية ... عل قليلة إلي مش منجم يفرحهم بعلوش فالعيد و إلي بالمناسبة سومو قرب لسوم ال
 Vespa
يهزهم يشوفو النمر و غيرو مالحيونات

? السوال إلي يقعد مطروح ... زعما شنوة خير
??? السِّرك التونسي البلوشي ولاّ السِّرك الإيطالي بلّوتشي
!!! الله أعلم


***
مدام حكيت عالعلوش خلي نواصل في نفس السياق ... 
أكتشفت عندي نهارين حدث مهم برشا عالفيسبوك شوف هنا


? توّا هكا يا ربي يحبو يرزيونا في طرح مشوي في عيد رب العالمين
??? وبربي شنوة نقعدو نعملو مع الكباش إلي عنا فالبلاد ... نلعبو معهم الكارته
هوا كان نخو الموضوع مالناحية الأقتصادية لزمنا نقتلوه و خاصة السنا 
تي واحد ياربي مزال مشوي على الحرقة متاع معمل الشراب (حشا الشهر) المدة إلي فاتت نكملو مانسلعوش فالعيد هذا ... 
? مدام مافمّاش مشوي شنعملو بيه الرجرج

? شكون بش يشربها الكمية الهايلة هاذي

??? بش يشربوها هوما
منتصورش وبالأخص إلي لعباد إلي منظمة الحكاية هاذي من وجوهم مايتعملش عليهم بش يسدو العجز في أستهلاك الروج و روزي و غيرو من مشروبات الشجاعة

لكن فمّا راي أخر يقول ما يجيش نقتلو العلوش من منطلق إنو ميجيش نتطاولو على كائن عندو حقوق أكثر منّا
 ???  عمرك ريت علوش سكرولو جلغتو خاطر يبعبع ولاّ فتقوه من بعضو 
لا ... لا هكّا بش ندخلو للغريق أيّا أخطاني من هالموضوع ...

المهم بصراحة أنا حسب رأي علوش السنا على سومو  الحنين يستاهل الرّجم موش القتل...و أنا نشالا ناوي نمثل بيه و نكّل بيه علنية في البطح متاع الحي

***
نختم الجزء الأول مالجولة متاع اليوم بخبر يهم المدونين التوانسة
 { TnB } و هو عودة موقع 
 للعمل بعد أنقطاع مدة أسبوع ... 
شي يفرح و نشالا من حسن إلى أحسن
ونشالا ديما يقدم الإضافة في سماء البلوغسفار التونسي

الله غالب شوية أشهار مجاني في أنتظار ندبر شركات مساندة  للإذاعة و ندبر عقود PUB صحاح متاع
:p

... للحديث بقية