يزيني ما سكت ... يزي يا أخي
أبسط حقوقي كمواطن مهضومة و أنا ساكت ... فدييييييت
: و اليوم بش نشكي و بش نتظاهر و نعمل أعتصامات ... لأسباب عدة
اليوم جاني تنبيه مالصوناد بفسخ عقد الأشتراك متاعي و رفع العداد خاطرني ما خلصتش الفاتورة و بعثولي تنبيه وكيف كيف ما خلصتش و كيما تعرفو الممارسة هذي كانت موجودة في أيام النظام "البايت" و الظلم هذا معدش مقبول بعد ثورة الكرامة و الياسمين و الخبز و الماء
- ثاني حاجة نحب نحتج على ضروف العمل متاعي إلي معادش عاجتني, يا أخي برشا عليا 8 سوايع خدمة ما نيش قدهم و الشي هذا عيب و حرام و مش مقبول... و أنا اليوم نحب نطالب بتخفيضهم حتى ل 6 سعات
و بربي زيدوني حتى دينار في تيكيات الفطور راهي العجة مرقاز وين نخدم ب4500
و لذلك من غدوة بش نبدا الصباح بوقفة صامتة بالشموع أمام مقر العمل متاعي و مبعد بش ندخل في أعتصام مفتوح حتى تستجيب الحكومة لمطالبي,
و بش نزيد بعض المطالب متاع ولاد الحومة كرفع جميع الظرايب على الدخان و المشروبات الكحولية (البيرّة و خاصة منها الأجنبية و الروج و ما تابعهم من مواد تصلح للكمية كي الزيتون و الجبن و غيرو) و تخصيص أماكن للسهر
و العرْبدة الليلية في وسط الحي
ونحب نذكر الحكومة الانتقالية إلي أحد الشعارات
إلي تم رفعها من قبل ما يهرب زعبوع هو ...2011 و البيرة بلاش"
ولذلك نحذرها من محولت الألتفاف عالثورة و مكاسبها
و أو محاولت سرقة الأنجازات متاعها
نعرف إلي المطالب متاعي ما جات شي لكن الله غالب لازمني نخلط على حويجة معا هالعالم هذا و ناخو نصيبي مالكعكة, كعكة الثورة إلي ظرب منها أحمد نجيب الشابي و سي أونيس و أعوان و أطارات الشركة الوطنية لطرشي و الليمون,و إلي نحب نذكرهم إلي ظربان الكعكة شي محرم في الدين متاعنا و يعاقب عليه القانون ...
... وراهو عيييييييييب
و ربي تستر لا يجي نهار زعبوع يطالبنا بالباي متاعو زدة
j'aime bien ton blog, weld blédi, le ton de cette note aussi, quoique je me demande sans cesse qui / quoi est derrière ces revendications?
RépondreSupprimerest ce une manipulation UGTTienne pour jouer les héros? une manoeuvre pour détourner l'attention un peu sur ce qui se passe politiquement et constitutionnellement... ou alors c'est juste une crise de confiance, le tunisien se dit "laisse moi garantir ma part tawa, on sait jamais ce qui va se passer d'ici la transition...."
A méditer!
ps: témim barghouthiiiii ;)
@Yosri:
RépondreSupprimerواللاهي شي يبهت و أنا بصراحة معادش فاهم شي...
:(
الحاجة الوحيدة إلي أنا متأكد منها هوا إلي الشي هذا مش و قتو و عيب كبييير برشا
شكرا عالزيارة العزيزة الغالية صديقي ... الدار دارك
;))
Bonjour,
RépondreSupprimerJe viens de tomber sur ton article au hasard et je viens de me rendre compte en le lisant qu'on avait presque les mêmes idées. J'ai écris un article dans le même sens hier, une façon ironique de critiquer ces "pseudos-tunisiens" qui profitent de la révolution pour avoir leur part de la tarte.
ça me fait gaver :/
Sinon, 7lowa el 9afla, ma3ach nestaghrbou chay, w ken mé jéna za3bou3 ytaleb bel bay mte3ou kima 9olt .. lol
7assilou, bien joué, j'aime bien ton article, bonne continuation :)
@Alkhottaf:
RépondreSupprimerأهلا بالخطاف :)
برجولية كان يجي زعبوع يحب ياخو باي تو نعمل في روحي سبة
:p
مرحبا بيك فالمدونة متاعي و شكرا عالزيارة الغالية :))