أكثر صورة معبرة على حال الغنوشي و حكومتو المؤقتة إلي مش حابة تفهم أو بالأحرى عاملة فيها "وذن عروس" و ماهيش فاهمة ...
الحكومة أثبتت للجميع إلي هيّا ما تتحرك كان بالدز و بما أني المرحلة هذي حساسة ولازم نكوو فيها عمليين أكثر
الوظع يحتم علينا المرة هذي بش نعطيوها دزة صحيحة و نجيبوها على برّاة ...
عدد الناس المعارضة لتوجه الحكومة كل يوم يزيد و الشي هذا واضح من خلال الشبكات الأجتماعية و الأنترنات كيما تراو مثلاً على موقع الموزايك
لكن الحكومة ما تعلمتش برشا مالدرس إلي خذاه سيدهم المخلوع و مواصلة في تجهلها للمطالب للشعبية الواضحة
وهنا نتمنى و نوجه نداء لأي مواطن تهمو مصلحة تونس وأي أنسان تعز عليه دماء الشهداء بش نترجمو الرفض متاعنا على أرض الواقع
و ليكن الشارع هوا الفيصل شقال زعبوع
0 commentaires:
Enregistrer un commentaire