vendredi 13 mai 2011

#THF جريدة الحقائق



هذي هيا الصفحة الأولى من جريدة الحقائق ... الجريدة إلي شريتها اليوم الصباح للأسف
 ... أي للأسف خاطر 600 مليم في زبلة كيما هذي خسارة صافية


شريتها خاطر الصفحة لولى جبدتني و حسيت إلي فما حكاية حولة في الأفق




الأجابة ما بطاتش
و جا تقرير الجزيرة إلي عراهم بالصوت و الصورة
مانيش بش نحكي على فضايح البوليس والتجاوزات )
(خاطر هذا موضوع يلزمو نهارين تلاثة و أنت تكتب
...

أما ثبتو مليح

في الدقيقة الثانية تو تفهمو الحكاية الكل




: الراجل عروقو بش تخرج يريض في لعباد و يقول بالحرف الواحد
بالعنف ماكش بش توصل لحتى شي ... أحنا ندافعو على راي

: وجريدة الحقائق تقول في تعليقها على صورة هذي بكل وقاحة
بداية تحريض الطفل بعد تزويده بالحجارة ... يحددون له الوجهة المستهدفة

يعجبكشي تو ... معناتها الصحافي هذا بجرد تصويرة جاب الصيد من وذنو
ولا ماشي في بالو إلي هو المحقق كولمبو ...  و يلفق في تهم للعباد عيني عينك
??? توا هذا مستوى
??? توا هذي عباد تنجم تخدم صحافة
o.O

 أنا كي تفكرت إلي رئيس التحرير متاع الجريدة
 هذي هو الفاشل لطفي العماري و تفكرت الحوار متاعو مع الباجي معادش مصدوم برشة

لكن الحقيقة متاع ربي أنك تكون صحافي فاشل هذا من حقك ... أما أنك تلفق في التهم للعباد بالباطل هذا شي خطير و خط أحمر حسب رأي الخاص

... وين ماشين بصحافة هكا ??? الله أعلم أما الأكيد مانجموش نمشيو لبعيد
نتصور جا الوقت بش الناس تتجه للقضاء
 هاذومة ناس بعاد برشة على المسؤولية و لازمهم يقفو عند حدهم

وكان عليا أنا إلي مزال يراني نهار نشري في جريدة الحقائق 
... يعمل فيا إلي يراه صالح
;)

و السلام

4 commentaires:

  1. bcp de médecins disent que la certif présentée par oussama ne prouve pas qu'il a été violé, au contraire.. je sais pas, il faut vérifier encore !!

    RépondreSupprimer
  2. @AirCool:
    !!! صاحبي صباح الخير
    فهمتك دايخ بنوم و ما فهمتش الحكاية ... يهديك راني لا جبدت على أسامة لا والو ... عاود أقرا يهديك ... نحكي على جريدة الحقائق
    o.O

    RépondreSupprimer
  3. lé juste un commentaire à propos la vidéo de oussama qui est là dans ton article :p
    pour le reste on est d'accord ^^

    RépondreSupprimer
  4. @AirCool:
    lloollooll rabi yehdik ya AirCool ya ghali :p

    RépondreSupprimer