dimanche 3 avril 2011

عدتم !!! هام رجعو الكل فرد ضربة




بصراحة أنا لاني مع القصبة لاني مع القبة ولا حتى مع الحكومة ...
"هاني شادد حكم" 
ولكن عملا بسياسة التشفي و الشماتة إلي قاعد نرا فيها ليمات 
في تويتر و فيسبوك وغيرو من ناس تعتبر نفسها من دعات الحرية و الكرامة 
... أنا نطالب وزارة الداخلية بش تعدل بين مواطنيها ...
 و تشد جماعة القبة تحفيهم بالضرب ...  تمرمدهم ... تمسح بيهم القاع
 و تغرقهم في ظلمات الغاز المطهر للعيون  ... 
نحبكم تقيسو عليهم الجبة ... 
نحب ضرب مشرف و يكون فالمستوى المعهود متاع شرطتنا الباسلة ...
 نحبكم تهزولنا ريوسنا و كان لزم ساقينا قدام العالم بعد هالثورة المجيدة
... نحب نبرتاجي الفيديوات متاعهم و نضحك مالقلب

 ... لا لدولة تميز بين أبنائها و تزرع الفرقة بين مواطنيها ... 
لا لدولة بدون هيبة ...
عاشت تونس ... عاش الصيد ... عاش القايد ... عاشت هيبة الدولة 
عاش الحاكم المغوار و عاش الشعب على بلنكار

8 commentaires:

  1. علاه ؟ لا هو انت في بالك كيما حبس الطرابلسيّه والقلاّل وبن ضيا كيما حبس القمّودي وبوكرعين وزيد معاهم ولد فطيمه والسّماريس ؟ أيّا هاو ولّينا نخلوضو عاد ! ما تعرفش انت اخزر للوجوه وفرّق اللحم ? اللّه خير عاد.

    RépondreSupprimer
  2. @tunisien:
    أهلا بالتونسي
    كلامك صحيح إلي دنيا بالوجوه :( ... و أهوكا علاش أنا نطالب بالمساواة و معمل على ربي و عالصيد الباهي إلي جابوهولنا
    :p
    شكرا

    RépondreSupprimer
  3. لو كان يتجاوزوا حد التظاهر السلمي كيف في القصبة ياكلوا مصروفهم، أما كان ما يعملوا شي لواه يضربوا فيهم ؟

    RépondreSupprimer
  4. @آركول:
    ولاهي أنا مانيش لجنة تقصي حقائق بش نقلك شكون إلي تجاوز الحدود متاعو و بدا بالعنف وما حظرتش علي صار لكن برشا مصادر تقول إلي البوليس كان السبب ... المهم هذا موش موضوعنا ... خليك إيجابي ضربات بالمتراك و شوية قاز ما فيهم شي ... بالعكس يقويو حس المواطنة ...
    :p
    أما نهنيك مدام أعتصام القبة يهز في ليّة الحكومة ما تخافش عليه ... الصيد بش يحطهم في عينه
    تحياتي :))

    RépondreSupprimer
  5. لو كانو صوابع إيديك قد قد يا الفن راك ريت منامة العتارس في مزابل الأغلبيّه الواطيه . يا كبدي مزّلنا نسبسيو على أيّامنا ويطوال ليل تونس وتتغرّع الهوكش سبسياليتي بيّاعة الشراب المودارن إلّي قاتلين رواحهم خايفين للثوره تخلّاهم يخلصو القديم والجديد في الفيسك ..

    RépondreSupprimer
  6. خذاو ترخيص، وهدفهم موش اعتصام قدام وزارة باش يعطلوها، بل وقفة بساعتين من زمان ومنبعد كلّ واحد يرّح على روحو، لذا مافمّاش علاش يفرّقوهم بالسيف

    RépondreSupprimer
  7. @Guyguoz:
    أهلا بالغالية ... توحشنا هالطلة لعزيزة :))
    أي في بالي ... هنا قاعدين نسبسيو على قوة جهدنا
    :(
    حمدولا

    RépondreSupprimer
  8. @mouaten:
    و توا هذا كلام !!! بالطبيعة عندهم ترخيص ... تي راهم جماعة القبة وما أدراك ما القبة
    :D
    ... :'( المهم هاك ريت ما عملولهم شي ... فقط كانت أمنية و ما تحققتش
    lloollooll

    RépondreSupprimer