مزال 3 أشهر على الإنتخابات و بصراحة كل يوم نزيد نتأكد إلي برامج الأحزاب السياسية في تونس ماهيش معروفة لأغلبية الشعب ... بصراحة شي خطير ... مثال على الكلام متاعي شوفو الصورة هذي
كمساهمة مني بش نوصل المعلومة للمواطن البسيط بش نحاول نعطيكم فكرة سريعة على برنامج أغلبية الأحزاب
(بستثناء زوز ولا تلاثة إلي برامجهم معقدة ولازمها برشا وقت لتفسير)
: البرنامج السياسي
الألتزام بي التداول السلمي على السلطة
: الخطوط العريضة
التهجم على النهضة بالصحيح و بالغالط المهم هوما لا كان لزم نرجعو بن علي
: البرنامج الأقتصادي
??? ماو قلتو خبز وماء و بن علي لا
أقعدو هكاكا حتى يحلها ربي في وجوهنا جميع
: البرنامج الأجتماعي
الحفاظ على مجلة الأحوال الشخصية
!!! يزيكم
: البرنامج الثقافي
توا كان شدينا توّا نحكو فالميضوع
:))
"ما ننساوش بطبيعة شوية "السلطة للشعب" , تكرس روح "المواطنة
, تفعيل أنجازات الثورة المجيدة ,
الحفاظ على مكاسب الحداثة و التشديد على الهوية العربية الأسلامية لتونس
عاشت تونس ... عاش شعبها
والسلام
... أه حقا نسيت ... الكلهم ماهمش بش يقصو علينا البيرّا
j'aime et t'as raison, personnellement je n'ai la moindre idées sur leurs programmes... et c'est malheureux que les télés tunisiennes passent tout leurs temps à diffuser les querelles "interpopulaires" et ignorer de consacrer un peu temps pour présenter les programmes de chaque parti.
RépondreSupprimer@abstrusion:
RépondreSupprimerأهلا بيك
المصيبة لخرى إلي برشا منهم لاهيين يهاجمو في أحزاب أخرى و ماهمش مركزين على شنوة عندهم كبرنامج يختلف على الواش و 50 حزب لخرين , وما نتصورش إلى هذي طريقة بش تخلي الناخب يختارهم ...
شنوة الجديد إلي بش يقدمولنا ... برشا توانسة ما تحبش تصوت للنهضة مثل ولا لحزب العمال الشيوعي أما كيفاش بش يفرقو بين لخرين الله أعلم
تختلف مع حزب و تنتقدو شي عادي أما بش تعمل من أنتقادو برنامج سياسي بصراحة شي يحشم ودليل على عجز سياسي فادح
شكرا على الزيارة الغالية
ya blid :p
RépondreSupprimerهذا من فضل ربي لوووول:p
RépondreSupprimer