اليوم بش نواصل بقيّة النشرة متاع الأنباء إلي بديتها لهنا ...
و حبيت نتوقف شوية فالبداية مع طالب التونسي, 31 سنة ,متميز, يقرا فاليابان ...
و إلي شدوه يخظّر في محبس و يزرع فالحشيش فالفوايي كيما يقول الخبر هنا
بصراحة ظلم و عيب ...
هاذي مكيدة صهيونية للمساس من صورة تونس فالخارج و مش مستبعد يكون وراها حزب معارض ولاّ مدون عميل الحكاية هاذي ...
وكيما قال صاحبي دَدُوشْ, الولد يزرع فالسبناخ و المعدنوس بش يعمل مرقة خضرى متوحشها من عند لوميما و بش يعاون روحو على غلاء المعيشة فاليابان...
!!! توّا هكّا يعملو في ولادنا
أنا نطالب السلطات بش تدخل و تروحلنا بيه كيما
روحتلنا بأسود تونس مالقاهرة بعد ماتش الترجي ...
المهم حمدولا ماهوش يقرا فرماسي ولا راهو يبيع فالنوفترين تحت حيط
:)) بش يصرف على قرايتو ... ديما الحشيش أرحم ... ماهي إلاّ فلاحة
شد أنتباهي زادا المدة الأخيرة تصريح النوري بوزيد على قناة حنبعل إلي يحكي فيه عالفيلم متاعو الأخير و حكاية البكارة شوف هنا و إنتقاد لطفي العماري ليه في برنامج بلا مجاملة هنا
"عجبني النوري كي قال "أنا متخلف برشا عالجسد في أفلامي ...
ومبعد قال إلي هوا أطلع على أحصائية تقول "تلث أرباع البنات في سن الزواج مبدلين بكرتهم" ... عجبني زادا لطفي كي قال "عام 86 البلاد داخلة في حيط تغلي و مظاهرات و ظلاميين و نوري بوزيد يحكي على أختصاب طفل"
بش نعمل بيكم رحلة عبر الزمن و نعملو تنقيزة بعشرين سنا لقدام ...
حصريا عالفنّ أف . أم :)
النوري بوزيد عامل فيلم يحكي قصة مواطن يمارس فالجنس مع بهيمة تحت كلتوسة ... و يصرّح "أنا متخلف برشا عالجسد في أفلامي ... 80% مالتوانسة تمارس فالجنس مع الحيونات الأليفة"
يجاوبو لطفي و يقول "عام 2010 البلاد داخلة في حيط تغلي ... حجب و مناشدين ... و نوري بوزيد يحكي على غشاء البكارة"
o_O
بش نختم لخبر نحب نقول إلي أحصائية النوري مانيش عارف شنوة مصدرها لكن نتصورو جايبها من عند حماص ولا من ولاد الحومة إلي ساهرين يكلفرو ...
تي يا أخي لحكاية هاذي كان تحكيها في بار
تو يقولو هذا سكران ميت و يقصو عليك البيرة
p:
وأنا نتصوّر كان يتلها بغشاء البكارة إلي داير بطاسة مخو توّا سنين خيرلو و إلي نتصوّر كبار جراحي العالم يفشلو في تخليصو منّو
...
بش نكمل بالكورة ... ونحكي على فيلم مازمبي و الترجي ...
!!! ملاعبية الترجي قالو إلي الحكم سكران فالماتش
غريبة برشا الحكاية خاطر إلي تفرج فالماتش
يعرف مليح إلي مش ممكن واحد سكران يحيل هكاّ ...
أول حاجة معروف العبد كي يسكر يولي قلبو كبير و يعطف ع ناس إلي دايرة بيه
و ما يحيلش برشا خصوصا في أفريقيا الحيلة في سكرة توفا في مركز
:p ...
و ثاني حاجة الحيلة إلي صارت حبتلها واحد صاحي برشا و تركز كبير ع الطرح و كان o_O ... لزم ماخو منشطات بش ينجم يحيل 90 دقيقة كاملة
تزيد تتفرهد كي ترا السونداج هذا
معناتها هالشعب الكريم حتى بينو بين روحو و قاعد فالدار في راحة من عقلو
يكذب و يتنوفق...
بالاهي كيفاش تحبو تعملو عليه و هوا فالخلوة راسو راس صندوق الأقتراع
??? يحط الورقة إلي مقتنع بيها
"LE TOUT PUISSANT DJAOUPÉ KOKOU" تي هوا الحكم بيدو
NULLE كان يجيبوه يختار تو يحط لروحو
زايد الحديث ...
0 commentaires:
Enregistrer un commentaire