نحب في بداية التدوينة هاذي نهني الشعب التونسي الكريم بالعودة الميمونة متاع أبنائو البرَرَة بعد المعركة المشرفة إلي قادوها بكل حكمة ثلة من خيرة شباب تونس أمام عدوهم التاريخي مصر و على أرض ستاد القاهرة بالذات
... تحية للروح القتالية متاعهم و لا ينحيهم على تونس دنيا و أخرة و إلي كان مش هومة واحد ما ينجمش يرقد فالليل مطمان على روحو و مالو و عرضو ...
بصراحة وأنا نتفرّج في لقطات متاع عودة "أبطال العبور" إلى أرض الوطن مانجمتش نشد دموعي إلي بدات تهطل بغزارة كيما المطر إلي صبت نهارة قطارات بير البايّ
! بكيت
بكيت على خاطر أنا مكشخ في الدم وهذا ماهوش عيب ...
بكيت خاطر "أبطال العبور" شرفونا قدام العالم الكلّ وفكروني بحرب أكتوبر 1973 و بأخر البطولات العربية...
بكيت كي ريت شعب الجمهورية الترجية يغني في النشيد الوطني متاع الجمهورية التونسية في عوض يغني النشيد الوطني متاع بلادو
بكيت خاطر الأستقبال هذا فكرني في ملاحم كبار و فكرني الأستقبال أبطال الستار أكدمي متاعنا من لبنان الشقيق
بكيت كي تفكرت الأستقبال الجماهيري الغفير( 4 عباد مالاتحاد الجهوي للشغل و باقة ورود في محطة القطار بقابس ) للصحفي التونسي متاع قناة الحوار و التونسي الوحيد على متن أسطول الحرية بعد ما شدتّو أسرائيل في سفينة مرمرا
بكيت كي ريت نجاعة الدبلوماسية التونسية في حل القضايا المصيرية للأمة ...
بكيت كي حسيت إلي تونس و المغرب و الجزائر بلد واحد و كي حسيت زادا بعمق أنتمائي المغاربي و بكره الفراعنة العميق للعرق الأري المغاربي
بكيت كي ريت الوطنية متاع التونسي و كيفاش في لحظة ينسى أنتماؤ الكروي و يقف صف واحد قدام العدوّ الخارجي ...
بكيت كي سمعت إلي الدخلة في ماتش الروتور بش تكون النشيد الوطني و بكيت كي ريت هالشعب قداشو مهفّ في التكوير بالوطنية كيما يحب و يشتها ...
بكيت و بكيت و بكيت
و توا يزيني ما بكيت, خليني نمشي نمسح دميعاتي ... و نخليكم مع هالفيديوات المؤثرة
Attention, âmes sensibles s'abstenir !!!
مالا وينك.
RépondreSupprimerنحن لا ننسى أسرانا.
تحية لأبطال عملية الوعد الصادق متاع البحارة المصريين ولكل تونسي مازال يقبع في سجون العدو المصري الغاشم.
أنجز حرا ما وعد.
قاللنا راهو أبطال ملحمة القاهرة سيكونون بيننا عن قريب
ébki :(
RépondreSupprimer@M: الله لا ينحيم علينا هالأحرار من أبناء تونس البررة ;)
RépondreSupprimer@Youssef : لا عاد كملة و محة دميعاتي بعد هالملحمة العظيمة:p
يا الفن أوّل مرّه نشوف مسيره عفويّه بالرّسمي بيناتنا خرجْها المعلّم ما كانش راهو المصاروه كورو بالوليدات في التّخشيبه شوف أمّه طلعت قلبك أكحل لو ماكسيمووووم ! ياخي كيف إنت عملت طريّح عبرات علاش ها البوست إلّي يحمّم القلب أهّوكه بالأماره فمّه حكايات جبدتهم يبهذلو طول حياتنا بلاد التّرننّي يجمعنا الطّبل وتفرّقنا العصا ..فماشي هاك المسيره طعتي كو دُ بوس للأبطال متاع شعب الترجّي :/ و ما يتحكمش أعليهم برشه في تونس
RépondreSupprimer@guyguoz:
RépondreSupprimerسامحني الفيديو الثانية ماهيش عفوية و ما تنجمش تكون عفوية !!!
أنا مانيش كنتر إلي تونس تدخل و يروح بيهم بالعكس, أما بصراحة ما نحبش الأفلام و خصوصا فالكورة و الرّويق البارد ...
كانو ينجمو يروحو بيهم بالساكتة و يقولو لعايلاتهم ... أما الزازا هاذي و النشيد الوطني و بلايك ... عيب و عيب كبير برشا
وأنا ك مواطن في الدولة الترجية مستعار مالشي إلي صار ;))
و آنا من شعب الإفريقي نِعلمِك إلّي ضريبات البندير في الوضعيّه هذه مفيدين للّي باش يتحاكمو هنا ..ياالفن راهو كل شيء من تحت إيديهم و هزّان القفّه في المصالح زايز يا باشا ..أعلاش ما نفتخروش باإِنزازات التّغيير ويِمنعوا لولاد مالحبس والطبنيكه في المركز كل نهار ماتش .وياخي إنت ولد الترجّي ومازّلت ما تعرفش الّي أموركم ما تعجبش من أوِّل الدّنيا.. ههههه ! لخرانيّه تنبيره يا الفن ما تتغشّش علينا :))
RépondreSupprimer@guygoz :
RépondreSupprimer"هزّان القفّه في المصالح زايز"
هذا هوا الفرق بين المكشخين و وجماعةالأفريقي p:
أما نورمال أنا عندي روح رياضية (:
تحياتي
هزّان القفّه في المصالح زايز
RépondreSupprimerهههههه أيواش هذا شعار تونسي بامتياز ظهر في أوساط ترجّيه أمّه يا خويا حتى وكان إنت سبيرونتيست حااااشاااك راك سيد الرجااال ونحن بيانسير في الإفريقي متفهمين ونعتبروا المسيره ظرف طارىء موش حاجه دايمه يبارك فيك