vendredi 22 juillet 2011

إهداء : قصبة ليك وقصبة ليا ... هذه هي الوطنية

في ذكرى مرور أسبوع على ما سمي باحداث جمعة العودة بالقصبة
إسمحولي اليوم  بش نقدم من أعماق قلبي بعض إهداءات 
... 

بطبيعة الحال بعد حكاية القصبة ما نجم نهدي كان القصبة وختها ... ولذلك :


 قصبة للحكومة المؤقتة إلي هي من أصلها وليدة الاعتصامات ... 
قصبة لوزارة الداخلية إلي ما تبدل فيها شي بعد الثورة كان الشهاري ... 
وإلى صناع القرار فيها فرد فرد ... بيرو بيرو ... كاف كاف ...

قصبة قصبة للاحزاب إلي خرجت تدعم في الحكومة وفي المسار الديمقراطي ...


قصبة على خلفياتكم الي مافيها باهي كان الكبر ...
وقصبة زادة للاحزاب إلي محضرتش ومخذاتش موقف واضح ملي صار ... 

قصبة للإعلام النزيه ومتسألونيش علاش ... كيما قال عبدالوهاب "من غير ليه "

قصبة كبيرة للمدونين إلي مجرد الاختلاف في رأي مع شخص يعتبروه مبرر بش يتضرب وكان لزم يعمل ربطية ...
وقصبة أكبر للي الحرية عندو ما تتمس كان كي تحجب مواقع الأنترنات ...

قصبة لكل ناشط على الانترنات قاعد يبرر فلي صار نهار الجمعة ... 
وإلا اعتبر إلي صار فالقصبة إنتصار للثورة والشعب ...

وما ننساش زادة بش نعطي الروحي قصبة معاكم ... 

خطرني نضيع في وقتي ونحكي على عباد ماكنتش فالمستوى ...


في الختام ...
 مانيش بش نستنى حملة على بلوغسفير بش نحل فمي ...
 الحرية لامان الله المنصري (فايسبوكر حر) و لبقية معتقلي أحدث القصبة



ممكن نختلفو في برشة حجات لكن هذا مش مبرر بش نسكت
...
قدمت اليكم
 تدوينة تحت شعار : قصبة ليك وقصبة ليا ... هذه هي الوطنية

وكيما قال جلال بريك ... سلام على شعبنا وانها لثورةٌ حتى النصر

9 commentaires:

  1. و يا قصاب يا وخي، زيد دخلها شوي، في زعكة الباي، إلي رجعلنا حي،

    RépondreSupprimer
  2. هههههه هايلة هذي
    مش خسارة فالباي ;)

    RépondreSupprimer
  3. هههههههههه شبعه قصب في محلها إلا انك نسيت باعث القناه مسهمتوش ههه اقولها وامضي

    RépondreSupprimer
  4. @maliberte :
    ههههههه صحيح في هذي نسيت حق باعث القناة ... ولو إنو يستحق شي خير مالقصبة ... ممكن يلزموا زوز ولا 3 قنوات
    ;)

    RépondreSupprimer
  5. من أحسن و اقوى ماقريت علي صار ..يعطيك الصحة موش قصبة و ان شالله الناس لكل تولي كيفك و تبدل عقلياتهم خاطر التعليقات متاع الشماتة الي قريتهم مرضوني

    RépondreSupprimer
  6. @takoua :
    أهلا و مرحبا بيك في المدونة ...
    ;)
    المصيبة إلي فما ناس ما تعلمتش بعد 23 سنة عبودية مع بن علي ...
    ? ومانيش عرف وقتاش بش يتعلموا
    شكراً عالى الزيارة و التعليق ...
    :))

    RépondreSupprimer
  7. مش بش يتعلموا حتى كي تعطيهم ألف قصبة !

    RépondreSupprimer
  8. يعطيك الصحة يا فنان، ركزلي على قصبة قصبة للاحزاب إلي خرجت تدعم في الحكومة وفي المسار الديمقراطي ...

    RépondreSupprimer
  9. @Imène:
    أهلا إيمان ... صحيح كيما قلت :) لعباد إلي متعلمتش إدرس تحت بن علي صعيب كان بش يتعلموا تو
    ;)

    @rcdout:
    هي لحقيقة متع ربي خلفياتهم ما تستحق كان القصبة هعهعهع
    شكراً على زيارة :))

    RépondreSupprimer