أهداء إلى التقدمي و التجديد : التدوينة المدنية من اجل الجمهورية

Partager

بمناسبة يوم التدوينة المدنية من أجل الجمهورية ... 

حبيت نذكر أصدقائي نشطاء الانترنت

 إلي الزويز أحزاب هذوما بعد ما تسلم عليهم لازم تحسب صوابعك ... 

للأسف برشا ناس نسات ليه ليه ولا تتناسى الله أعلم ...

المهم في الماضي القريب

 الأحزاب هذي جرات لإنقاذ التجمع

 و باعت وشرات على كرايم الثورة كيما حبت ...

...

اليوم نحب نقدم أهداء و تذكير إلى  أحزاب تجارة الخوف 

الحزب الديمقراطي التقدمي و حزب التجديد ...  و إلى أنصارهم

 على تفانيهم في الدفاع على حكومات الغنوشي بعد الثورة ... 

وعلى إعتمادهم تخويف الناس طريقة للوصول إلى السلطة

القصبة يوم 21/02/2011

خاطرة وردية : ميثاق الجمهورية

Partager

هل يمكن للهيئة العليا لتحقيق أهداف الثورة والإصلاح السياسي والانتقال الديمقراطي

??? الأستغناء عن ميثاق الجمهورية أو العقد الجمهوري

!!! طبعا لا

هيا كغيرها من دورات المياه العصرية و التي

ترتقي للمطالب الشعبية في حاجة ماسة و أكيدة ... لورق صحي

خاطرة الأحد : سرطان التجمع

Partager

نظريا، السرطانات الصلبة يمكن شفائها بإزالتها عن طريق الجراحة

... ولكن ليس هذا ما يحدث واقعياً 

جراحة استئصال السرطان يتم فيها إزالة الجزء المصاب بالسرطان

 أو قد تتم إزالة العضو كله

... 

خلية سرطانية مجهرية واحدة تكفي لإنتاج سرطان جديد 

وهو ما يطلق عليه الانتكاس ...

كذلك هو الحال مع التجمع ... فهو كغيره من أنواع السرطان

 أستئصاله, محاسبة رموزه ومحاكمتهم قد تكون غير كافية

وقد يؤدي إفلات أحد قيادته من العقاب لإنتاج تجمع جديد

wikipedia: المصدر

دروس للمبتدئين : الأحزاب السياسية في تونس

Partager

مزال 3 أشهر على الإنتخابات و بصراحة كل يوم نزيد نتأكد إلي برامج الأحزاب السياسية في تونس ماهيش معروفة لأغلبية الشعب ... بصراحة شي خطير ... مثال على الكلام متاعي شوفو الصورة هذي

كمساهمة مني بش نوصل المعلومة للمواطن البسيط بش نحاول نعطيكم فكرة سريعة على برنامج أغلبية الأحزاب 

(بستثناء زوز ولا تلاثة إلي برامجهم معقدة ولازمها برشا وقت لتفسير)

: البرنامج السياسي

الألتزام بي التداول السلمي على السلطة

: الخطوط العريضة

التهجم على النهضة بالصحيح و بالغالط المهم هوما لا كان لزم نرجعو بن علي

: البرنامج الأقتصادي

??? ماو قلتو خبز وماء و بن علي لا

 أقعدو هكاكا حتى يحلها ربي في وجوهنا جميع

: البرنامج الأجتماعي

الحفاظ على مجلة الأحوال الشخصية

!!! يزيكم

: البرنامج الثقافي

توا كان شدينا توّا نحكو فالميضوع

:))

"ما ننساوش بطبيعة شوية "السلطة للشعب" , تكرس روح "المواطنة

 , تفعيل أنجازات الثورة المجيدة ,

الحفاظ على مكاسب الحداثة و التشديد على الهوية العربية الأسلامية لتونس

عاشت تونس ... عاش شعبها

والسلام

 ... أه حقا نسيت ... الكلهم ماهمش بش يقصو علينا البيرّا

أنتخابات المجلس التأسيسي : مؤامرة أخرى على اللوبي النسائي

Partager

: أنتخابات المجلس التأسيسي

القراءة الأولى للمرسوم إلي صدر البارح تفرح برشا عباد ...

... خاصة العباد إلي عاملة من قضية المساواة بين المرأة و الرجل أصل تجاري

لكن كي تزيد تتمعن فالموضوع و تطبق المرسوم على أرض الواقع

 تنجم تقول ما جابش برشا جديد 

أو على الأقل مش في مستوى طموحات اللوبي النسائي

بش تزيدو تفهمو النظرية هذي تنجمو تعملو طلة على هالزوز أمثلة هاذم

شوف هنا ولا هنا

!!! كي نزيدو في أطار نظرية المؤامرة إلي أغلبية رؤساء القوائم بش يكونو رجال

: في حالة كيما هذي

من 7 مقاعد بش يكون عنا مرا برك ... وووووه عليا وووووه

بصراحة هذي مؤامرة ذكورية ضلامية رجعية وراها مخطط ماسوني أمبريالي توسعي ... وما يلزمناش نسكتو عليها

الثورة الجاية كان حيانا ربي 

نعملو زوز مجالس (كيما يقولو ناس بكري قصعة لرجال و قصعة لنسا) ... ولا مجلس 

و نحطوه بكلو نسا ... في جميع الحالات الرجال و الزمان ما فيهمش أمان

أما بالنسبة للثورة هذي ما يفضها كان أعتصام

...

دقت ساعة العمل

 دقت ساعة الزحف دقت ساعة الأنتصار ... 

لا رجوع !!! إلى الأمام إلى الأمام

 ثورة ... ثورة ... ثورة

 (دُبْ ... ضربة عالطاولة)

:p

أوقفوا هذه الجراثيم

Partager

هذي صورة مقال صدر اليوم على موقع "باب نات" بعنوان

 "ماء الفرق يعود ... والضحية شابة في العشرين" ... 

بعد ما فاح الخبر و تبرتاجا في تويتر و فيسبوك و أسمع يالي ما سمعتش الموقع فسخ المقال و عمل فيها لا سمع ولا رى

 ... لا تأكيد لا أعتذار لا تصحيح لا والو ... 

هذا الربط الأصلي للمقال

http://www.babnet.net/cadredetail-34228.asp

( :p بالطبيعة معادش موجود توا)

!!! بربي إلى متى بش واحد يقعد يعاني في هالحقارة هذي

!!! ياخي ما فماش قانون يلم هالبكتيريا علينا

??? يا وزارة الداخلية ويني لجنة التقصي في جرائم الأنترنات و الفيسبوك 

??? ولا لاهيين بالأعتصامات برك 

!!! يا سي الباجي ورينا هيبة الدولة فالتصدي للأشاعات و هالعصابات إلي تعمل فالفتنة

هاو مرة سارق حبو يقصولو يدو و حاولو يقنعوه بحكم ربي و هوا ما كانش مالعاكسين و طلع إيمانو كبير و وافق ... وهات من هالريق البارد 

...

بصراحة لازم شخص كيما "حمدي المسيهلي" هذا يقعدوه على شقف الما فرق 

إلي حكا عليه

أو على الأقل يقطّرُلو منو فالقنوات متاعو ... من ناحية يتفرهد من مشاكل الأمساك

ومن ناحية أخرى يولي يخمم 1000 مرة قبل ما يحل علينا الخندق متاعو

...

وهكا تعم الفايدة عالجميع

في ذكرى وفاة حبيب لأمة : الدكتاتور الأكبر

Partager

Le successeur d'un dictateur doit lui ressembler

et être publiquement connu comme étant
inférieur à lui dans la vertu

et pire dans le vice ...

[Ahmadou Kourouma]

عدتم !!! هام رجعو الكل فرد ضربة

Partager

الربط

بصراحة أنا لاني مع القصبة لاني مع القبة ولا حتى مع الحكومة ...

"هاني شادد حكم" 

ولكن عملا بسياسة التشفي و الشماتة إلي قاعد نرا فيها ليمات 

في تويتر و فيسبوك وغيرو من ناس تعتبر نفسها من دعات الحرية و الكرامة 

... أنا نطالب وزارة الداخلية بش تعدل بين مواطنيها ...

 و تشد جماعة القبة تحفيهم بالضرب ...  تمرمدهم ... تمسح بيهم القاع

 و تغرقهم في ظلمات الغاز المطهر للعيون  ... 

نحبكم تقيسو عليهم الجبة ... 

نحب ضرب مشرف و يكون فالمستوى المعهود متاع شرطتنا الباسلة ...

 نحبكم تهزولنا ريوسنا و كان لزم ساقينا قدام العالم بعد هالثورة المجيدة

... نحب نبرتاجي الفيديوات متاعهم و نضحك مالقلب

 ... لا لدولة تميز بين أبنائها و تزرع الفرقة بين مواطنيها ... 

لا لدولة بدون هيبة ...

عاشت تونس ... عاش الصيد ... عاش القايد ... عاشت هيبة الدولة 

عاش الحاكم المغوار و عاش الشعب على بلنكار