dimanche 21 novembre 2010

الفنّ أف . أم : Les News - حملات التحرر


كيما العادة و مع بداية كل أسبوع الفنّ أف . أم تقدملكم نشرة لأهمّ الأنباء ...
أمّا اليوم مش بش نحكي فالسياسة ... برجولية مش وقتو و زيد أخطانا مالهمّ و النكد و خليه واحد عامل جوّ و 66 كيف ...
نبدَ بركن "فيسبوكيات عيب" ... اليوم جبتلكم صفحة مالفيسبوك عجتني برشا ...


"Tous ensemble pour la liberation de Cheb Mami"

??? الله الله ... ما عنا ما نصنعو هالأيامات كان بش نتلهاو بالشاب مامي
نقصتنا صفحة "معا لرفع المظلمة على باعة أوراق البرومو سبور" و أمورنا توضاح
??? وفات مشاكل غشاء البكارة و المرقاز و الطهارة 

 لا يا خويا مزلنا واحلن فيهم و مش وقتو ... أما إلي يلقا فيكم وقت ميسالش يعطي

 كو دمان" للجماعة" ...

***

مالشيرة لخرة عنا حملة أنطلقة عندها مدة عالفيسوك ...
 الحملة تحت عنوان "سيب لخضر" ... شوف هنا 


الحملة هذي تحت شعار "كل التونسيين مع الحق في جواز السفر... وحرية التنقل" و بصراحة حملة هادفة و تستحق التشجيع ... حق التنقل حق لتوانسة الكل وأنا ما نجم كان نضم صوتي ليهم و نطالب بتطبيق الدستور و الوقوف بشدة في وجه المخالفين لما ينص عليه القانون التونسي ...
??? أما بربي نحب نعرف علاش أبسط الحقوق متاعنا مناش خالطين عليها
??? هاو مرة سيب صالح و مرة سيب لخضر و سيب بابا
!!! أه !!! ضاهرلي بديت نخرج عالموضوع
??? أيا أخطاني لترصيلكم عملين صفحة بعنوان "سيب الفنّ" ... وأنا شمدخلني

***

الحملة الأخيرة إلي نحب نحكي عليها هيّا بطبيعة الحال حملة حل بلوغ ...
سبقلي و حكت عليها هنا ...


الحملة هاذي إلي تشجع مستعملي الأنترات بش يعلمو مدونات و يعبرو على رايهم في مختلف المواضيع بصراحة ممتازة برشا و لقات نجاح كبير و برشا مواقع تونسية حكات عليها كيما موقع موزيك أف أم
, نجاح واظح بالأرقام شوف هنا عدد المدونات الجديدة إلي تزادت للمشهد البلوغسفاري التونسي ... تحية للناس القايمة عالبادرة هذي و إلي نشالا تساهم فالقضاء على حملة "سكر جلغتك" إلي باركة عينا عندها سنين


***
نختم الجولة متاع اليوم بشوية أدب و ثقافة ... 
باهي واحد يستمتع بشوية من غذاء الرّوح سعات ...
مع أبيات شعر في مدح الصحافة التونسية للأخ رضا الماجري
 "بعنوان "صحافة المجاري

يلّي خلقكم ربّي صحافه
وعبد العبادل مسخكم سخافه,
يا ساكتين على الأمانه
متمعشين من الرّصانه,
العيشة تحفه والعمر سعفه
وكلّ ساكن راكب في جحفه
وفي المديح لقلم يحفَ
ووراق الجرايد للهم لحفه
والشّعب داري بكلّ إلّي جاري
واللّي الصّحافة صحافة مجاري...


***
كيما ريتو اليوم زادا عملت شوية أشهار مجاني ... شي عادي وقت إلي ملقيتش شريكة تدعمني و تمول القناة ... أما هاني طحت بخيط صحيح و ممكن برشا نهبط الجمعة الجاية بمريول مكتوب عليه
"UNICEF" 
كيما البرسا ... للحديث بقية



7 commentaires:

  1. toujours un régal de lire tes news el fan, bravo

    RépondreSupprimer
  2. @Venus : ;) شكرا على الإطلالة العزيزة الغالية

    RépondreSupprimer
  3. hhhh, ahawka bech na9ta3 elradionet el kol we ma ntaba3 kan a5barek... we 7keyet el unicef a5tak, tawwa néd3mek ...euu ma3nawiyan bettbi3a :P

    RépondreSupprimer
  4. @Fléna :
    شكرا عالدعم ... أما لازم توعدني تشارك في صفحة
    lloollooll سيب الفنّ" كان صارت حاجة"

    أيّا أرجع ركز فالقراية متاعك و سكر الراديو
    :p

    RépondreSupprimer
  5. Ce commentaire a été supprimé par l'auteur.

    RépondreSupprimer
  6. يا فن ... فك عليك مل يونيسف، هي ما دعمت البارسا كان على خاطرها تلبس بنفسجي ... خير ما ترسيلك أنت مدورها بنفسجي زادا ( الله لا يقدر ) :)) ... ما خيرش تعمل كيف الأولمبي للنقل قبل : إكتب" حقار يموت ذليل"، " مامن أفان تو"، و " حي يروح " و تو تشوف كيفاش الفلوس تهبط عليك كزخ المطر :)) كالعادة كتاباتك تعمل الكيف

    RépondreSupprimer
  7. @TPZ:
    ... "بصراحة عجبني شعار " الحي يروح
    شعار جذاب و يجلب القراء
    lloollooll
    شكرا عالطلة العزيزة صديقي ;)

    RépondreSupprimer