(Mon été avec un livre) ... الصائفة, رفقة كتاب

Partager

J’ai été invité par « Venus », « Flèna » et « Youssef »

 (حسب تسلسل الأحداث و التوقيت المحلي لمدينة تونس و ظواحيها) 

:))

à ce qui suit :

§  Quels sont les livres d’enfance dont vous vous souvenez ?

§  Quels sont vos auteurs préférés ?

§  Quels auteurs avez-vous décidé de ne plus lire ?

§  Quels sont les livres que vous apporteriez avec vous si vous étiez isolé dans un désert ?

§  Quel auteur dont vous n’avez rien lu encore trouvez-vous nécessaire de lire ?

§  Quels sont vos livres préférés ?

§  Quels livres êtes-vous en train de lire ?

: بالعربية

شنيا الكتبات إلي قريتها في طفولتك و مزلت تتفكرها ؟

شكونهم الكتّاب المفضلين متاعك؟

شكونهم الكتّاب إلي حلفت عليهم ؟

شنوة الكتاب إلي بش تهزو معاك نهارت إلي بش تهز روحك و تمشي للخلا المخلي؟

شكونو الكاتب إلي مزلت ما قريتلو حتى كتاب و ترا إلي مالظروري تقرالو؟

شنية الكتب متاعك المفضلة ؟

فاش قاعد تقرا هالأيمات؟

Envoyez les questions à quatre blogueurs que vous lisez et invitez les à parler de leurs lectures avec nous tous.

L’initiative «Mon été avec un livre» vient de blogueurs Marocains et consiste à partager avec la blogosphère nos lectures favorites. 

: الأجوبة

الكتبات إلي قريتها في طفولتي

بعض القصص من المكتبة الخضراء

جزء كبير من كليلة و دمنة - عبد الله بن المقفَّع

بالطبيعة قصة البطة القبيحة, جحا والدجاجة و جحا فالمسبح ... و جوّك أحلا جوّ

"نتفكر إلي لفترات تغرمت بالبرنامج الشيق "في كل بيت كتاب

"و كي زدت كبرت تغرمت ب "سفر بين الرفوف

"Bouillon de culture" و

المهمّ  نهارت الجمعة فاليل تقولش عليه لأنتان طايح في مكتبة... أما لحقيقة ما طولتش حلقتين تلاثا ما أكثرش

 الكتّاب المفضلين

الطيب صالح

نجيب محفوظ

Guillaume Musso

Mark Edourad Nabe, « le vrai voyou de la littérature »,

 j'ai lu ses tracts (Zidane la racaille, Enfin nègre ! etc…) disponibles ici

الكتّاب إلي حلفت عليهم

!!! لا الحق حتى واحد ... تي يا رسول الله أنا قريت لزوز عباد كمل نحلف عليهم

بصراحة عيب

الكتاب إلي بش نهزو معيا في الصحرى و بين السباسب

هوا واحد خليقة فالخلا و يكمل يقرا بش ريقو يشيح على قاعدة ... لا السماح

الكاتب إلي لازم بش نقرالو

أبو حامد الغزالي

الكتب المفضلة

موسم الهجرة إلى الشمال - الطيب صالح

حكية عليه قبل في تدونة سابقة

اللص والكلاب - نجيب محفوظ

Le Tour du monde en quatre-vingts jours  - Jules Verne

Je reviens te chercher - Guillaume Musso

و برشا كتبات أخرين أما نسيتهم ... كيما يقولو الناس الكل

:p

فاش قاعد نقرا هالأيمات

امرأتنا في الشريعة والمجتمع - الطاهر الحداد

لحظة يا طاهر دقيقة ما تعلقش ... عندي ما نقلك ...  

نعرف إلي الشي هذا خطيني و مش متاعي ... المهم الله لا تكشفلنا حال و ربي يهدي إلي كان السبب

:p

اليوم ياسر حكيت مش كالعادا

: وتوا ا دوري أنا بش نختار ... وهنا بش نقدم دعوة مفتوحة لأصدقائي 

Hada Ana!

Guyguoz

الأسلام التونسي ... هاو الدين الصندي

Partager

 دين الوسطية والأعتدال ... بلوغة أخرى نشدو لعصا مالوسطة و ما تجبدش الزاورة ليك ... أركانو مش صعاب, أما برشا نذكرو منها على سبيل الذكر لا الحصر

عصيدة الزقوقو متاع المولد, الطهور ليلة 27, طرح مشوي و كعبتين "روج" فالعيد الكبير و بطبيعة الحال السهرات الرمضانية مع الأبتهالات و الأذكار "الحضرة و غيرو", صحيح رزين برشا عالمكتوب أما كلّ شي يهون أمام االعبادة و بالأخص ... ليطمئنّ قلبي

يجمع بين الأصالة و الحداثة كيف الصحن التونسي كيف كيف إلي يجمع بين أصالة زيت "الزيتونة" و ليمون من شيرة و حداثة التنّ و العضم متاع دجاج الماكينات من شيرة أخرى

على سبيل المثال المساجد فالأسلام التونسي تجمع بين أصالة البناء "كيما جامع الزيتونة ولا جامع عقبة بن نافع" و حداثة أوقات العبادة أهوكا نحلو و نسكرو كالأدارات

يشبه للصحن التونسي زادا في الرّخص بحيث جميع شرائح المجتمع تقدر عليه, أرخص مالشورمة التركية و البيتزا متاع طاليا و الهمبرقر الأمريكي

  ... كيف كيف أسلامنا في متناول الجميع فالفهم و في التصرّف بالطبيعة,  وينجم يتطاولو عليه جميع شرائح المجتمع بدون أستثناء

على خاطر ساهل بش تفهمو و مايستحقش أكثر من مخ مروّب مليح مليح, رشا ملح و خطبتين نهار الجمعة للي عندو الوقت

الحاجة السلبية الوحيدة هيّا المطعم متاعو وإلي على عكس الصحن التونسي إلي أنا شخصيّا مغروم بيه, الأسلام التونسي مطعمو ماصة فوق القيمة و كل يوم ماشي و يمصات أكثر و إلي أقوا من هاذا بدا يعمل في الريحة و يلم علين فالتوريست كيما تراو في الفديو هاذي

... هاو دين التسامح و دين الوسطية و الأعتدال وين خلط

واحد كان يعمل تكويرة مع ولاد الحومة في بطحا قدام كنيسية تو يتوبوه على قاعدة صحيحة و تو بابا الفتيكان يعملنا ندابا بالمناسبة ... أما سكرا في جامع ماهيش مشكل ... خير ملي مسكر ... مالأخر عنا منهم برشا

تي ربي يبقي علينا الستر و لا يخيبني و لا يخيبكم بجاه رب العالمين

... جانا العيد

Partager

;) بعد هالتدوينة الحزينة و لي لازمها بروكسي بش تقراوها ولا هنا ماغير بروكسي

اليوم نحب نتوجه لأصدقائي و لكل المدونين والمدونات فالبلوقسفار

بأحر التهاني و أطيب التمنيات بمناسبة العيد

(أعاده الله علينا باليمن و البركة (كيما يقولو في تونس 7

وحبيت نقوللكم زادا إلي

جانا العيد جانا العيد جانا العيد لديارنا ...

:))) و إلي مؤسسة النظافة جودي مازلت لليوم تتمنالكم في عيد سعيد

مدد ... مدد

Partager

أمطار غزيرة تهطل في أخر الشهر الكريم ... 

? توا ياربي 29 يوم سخانة واحد بش يموت و في النهار لخر يتفرهد الطقس فرد ظربة 

!!! الصبر و برا

!!! المهم كمية الأمطار مهمة قاعدة تصب توا و زعما علاش

يمكن علامة من عند المولا سبحانو و تعالى بعثلنا برشا مطر بش يغسلنا ذنوبنا -

 بعد ما قبل صيامنا وعملنا الصالح

ولا بش يهلكنا بهال مطرا و يهزنا عندو مالذنوب إلي لميناها في هالشهر الفظيل -

الإجابة نشالا نعرفوها من هنا لشقان الفطر

;)) أياّ شاهيا طيبة للجميع ... كان خلطنا عاد

سأدون لك ... يا نور : نُّورٌ عَلَى نُورٍ

Partager

بسم الله الرحمن الرحيم

اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاءُ وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ

النور35

When You're Gone

Partager

The Cranberries - When You're Gone @ Yahoo! Video

Hold onto love that is what I do now that I've found you.
And from above everything's stinking, they're not around you.

And in the night, I could be helpless,
I could be lonely, sleeping without you.

And in the day, everything's complex,
There's nothing simple, when I'm not around you.

But I'll miss you when you're gone, that is what I do. Hey, baby!
And it's going to carry on, that is what I do. Hey, baby...

Hold onto my hands, I feel I'm sinking, sinking without you.
And to my mind, everything's stinking, stinking without you.

And in the night, I could be helpless,
I could be lonely, sleeping without you.

And in the day, everything's complex,
There's nothing simple, when I'm not around you.

But I'll miss you when you're gone, that is what I do. Hey, baby!
And it's going to carry on, that is what I do. hey, baby...