mardi 31 août 2010

!!! تبع الموجة




اليوم ريت لافتة فالبلاد معلقا متاع الجمعية التونسية للوقاية من حوادث الطرقات ...
إلي شد أنتباهي فيها هوا إلي الكلام المكتوب عليها مواكب للجو العام متاع 
"البلاد فالفترة هاذي ... "رمضنيات


... عاد مشيت نثبة في السيت (هنا) نلقا إلي فما حملة مكثفة في شهر رمضان 


 بصراحة مشكورة الجمعية عالعمل متاعها و عندهم الحق
على خاطرالتونسي في رمضان يخرج من عقلو ويتخمر ... كيما فالصيف و فالعطلة ... تي تنجم تقول متخمر عام 12 شهر



أنا بصراحة عجبتني البادرة الطيبة هاذي و ماذبيا كان الرسائل المكتوبة في شارع تواصل على نفس المنوال ...


: مثلا في فترة الأحتفال بتحول السابع من نوفمبر يكون شعارنا


"السرعة مخطرة : قد ما تنقص ديما شوية ... هاذي نظرة أستشرافية"


 : فالعودة المدرسية


"أرتداء الخوذة أجباري : تي نبيع والديها بإلي كتِبْ ... و لوليداتي نشري كتُبْ"


: مثلا في فترة راس العام يعلقولنا


"نحط كرهبتي قدام الدار ... و كعبات بيرا في أقرب بار"


هكا تكون الحملة مواكبة للأجواء
;)  و تكون الرسالة وصلت للمواطن  بشكل ساهل و بسيط


5 commentaires:

  1. أما بصراحة نخاف منه التدين وقت يهبط فجأة على قطاع تنخر فيه الرشوة, ربيّ يقدر الخير
    ;)

    RépondreSupprimer
  2. @Youssef & @Hada Ana :
    أحنا هكا وقت الدين أحنا اللولين, في حوادث الطروقات اللولين في الصف عل الخبز اللولين فالمقاطعة اللولين فالقفة كيف كيف
    ... الله أحد الله أحد و شعب التونسي ماكيفو حد

    RépondreSupprimer
  3. ahna cha3b win tmil larièh ahna m3aha

    quoique EL FAN, j'ai bien aimé le ton ironique (mais véridique) de ce texte..chapeau..

    RépondreSupprimer
  4. :Venus@
    مرحبا بيك فالمدونة,
    "صحيح تنجم تقول شعب "ميحي مع لرياح وين تميحي
    تحياتي ;)

    RépondreSupprimer