مسلسل الحجب يتواصل و ظاهرلي فيه السنا بش يدخل فالبرمجة الرمظنية ...
تم حجب جميع مدونات "لحمر" هالأيامات ...
;) نحب نعبر عن تضامني معاه و نشالا الحجب هذا ما يثنيهش عالتدوين و فن الرسم والكاريكاتور إلي أمتعنا بيهم في مدوناتو
"فهل ثم من جيل سيقبل أو مضى ... يبادلنا أعمارنا ونبادله ..." "تميم البرغوث"
vendredi 30 juillet 2010
lundi 26 juillet 2010
سأدون لك ... يا نور : و لجفرا سأغني
جفرا
كلمات : عزالدين المناصرة
ألحان : مارسيل خليفة
للشعر المكتوب على أرصفة الشهادة أغني
للأشجار العاشقة أغني
للطلقة في صدر الفاشستي سأغني
للسيدة الحاملة الأسرار الثورية
للشجر المحروق الأخضر في ذاكرتي
لرفاق آه لي في السجن أغني
لرفاق آااااه لي في القبر أغني
و لجفرا سأغني
سأغني لجفرا سأغني
و لجفرا سأغني
سأغني لجفرا سأغني
جفرا أمي إن غابت أمي
جفراء الوطن المسبي
الزهرة و الطلقة و العاصفة الحمراء
جفرا إن لم يعرف من لم يعرف
غابة زيتون و لفيف حمام و قصائد للفقراء
جفرا .........
من لم يعشق جفرا فليدفن رأسه في الرمضاء
أرخيت سهامي قلت يموت القاتل
من لم يدفن وجه الغول الأصفر تبلعه الصحراء
جفرا كانت في قصر الإقطاعي تنوح
جفرا كانت في الجبهة تحمل طلقتها و تبوح
بالسر المدفون على شاطىء عكا ..... و تغني
و أنا لعيونك يا جفرا سأغني
جفرا أمي إن غابت أمي
جفراء الوطن المسبي
الزهرة و الطلقة و العاصفة الحمراء
للشعر المكتوب على أرصفة الشهادة أغني
للأشجار العاشقة أغني
للطلقة في صدر الفاشستي سأغني
للسيدة الحاملة الأسرار الثورية
للشجر المحروق الأخضر في ذاكرةٍ
لرفاق آاااااه لي في السجن أغني
لرفاق آه لي في القبر أغني
و لجفرا سأغني
سأغني لجفرا سأغني
و لجفرا سأغني
سأغني لجفرا سأغني
سأغنيييييييييييييييييي
jeudi 22 juillet 2010
احترامي.. للحرامي
غناء آمال ماهر ... كلمات الشاعر عبدالرحمن بن مساعد ... ألحان صادق الشاعر وتوزيع موسيقي أمير عبدالمجيد
احترامي.. للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تَعدى محيطه
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي
احترامي.. للحرامي
احترامي.. للحرامي
صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي
احترامي.. للحرامي
احترامي.. للحرامي
صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي
احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد
من عمومي للخصوص
احترامي للصوص
dimanche 18 juillet 2010
يا شهيد... يا شهيد
:'( ! يا شهيد... يا شهيد يا شهيد... الخبزة رجعت غلات
يا شهيد
كلمات، ألحان الفنان
الأزهر الضاوي
غناء مجموعة البحث الموسيقي بقابس
غنّيها يا شعبي الباسل للبحر اللّي ما ينسى
غنّي وقول دمّك يا فاضل فاح خميرة في الخبزة
غنّي وقول دمّك يا فاضل
فاح خميرة في الخبزة
يا شهيد... يا شهيد
يا شهيد... يا شهيد
يا شهيد... الخبزة رجعت
يا شهيد الخبزة... ثور
طالعة من قبرك وردة
تنادي الشعب يجيك يزور
دمّي يا مّيمة وردي
صوّر خبزة ع الكيّاس
عن شعبي صدري لقّيتو
نقبوه البوب والحرّاس
واللّي قتلني آنا ريته
متخفّي وسط البالاص
ينخز في ذراع العسّاسة
صبّو فيّ غلّ رصاص
دفنوني في ليلة ظلمة
وجنازة ما فيها ناس
بن غذاهم والدغباجي
كي تلاقو بين الوديان
يتمشّو والدّم سواقي
من قبلّي للدّندان
وقالو هذا دم الفاضل
ساح وعطّى كلّ مكان
يصرخ ويشاور ع الخبزة
رفعوها رجال الدّيوان
وناري انا ع القمح الباجي
في مخازنكم يارومان
راويها الوردة من دمّك
فاحت في هبّ النّسمات
طارت ريحتها عند أمّك
صاحت ما تقولوشي مات
لاش تقولو مات الفاضل
ما تقولوشي الفاضل مات
الفاضل في قمحك يا سبولة
في الزيتونة وفي النخلات
الفاضل معزوم على قفصة
نادولو جبال الفسفاط
الفاضل يا نوّار اللّوزة
فاتح في غريق القرّات
شعاع النّور في ليلة دمسة
سربة في حلق البايات
ماشي واحد راجع خمسة
ساير في طريق الحياة
هو نايم توّة يصحى
كيف تناديلو الهزّات
هو نايم توّة يصحى
كيف تناديلو الهزّات
هو نايم توّة يصحى
كيف تناديلو الهزّات
mardi 13 juillet 2010
Une pensée pour toi : سأدون لك ... يا نور
" Est-ce que Rome vaut la vie d'un homme de bien ?
Nous l'avons cru autrefois ... il faut le croire à nouveau ..."
صباح الحرية ... يا الصباح
هاو درس خشين من دروس الحرية و التحرر ...
مقال بسيط و وظح ... من السهل الممتنع ... بعنوان " في مطلب الحرية وفعل التحرر" ... وإلي يحب يدور خواطرو عالصباح هاو المقال هنا
ولي مش حابب خواطرو تدور هاني بش ندورهالو هنا بهال المقاطع هذي من العزف المنفرد :
هل يحتاج فعل التفكير ترخيصا أو قرارا؟ هل يحتاجُ تقديم طلب في الحرية؟
ملاحظة : اي يا سيدي ... في بعض البلدان لازم ترخيص و تقدم مطلب ومايقبلوهش ... هذا كان لقيت شكون يقبلو عليك المطاب أصلاً
ولكن «العبيد المعاصرين» لا يمكنهم التحرر ولو عُصرت لهم دساتير وفلسفات «الحرية» شراباً! إن أغلالهم في ذواتهم لا يتجاوزون حالة « العيش» و«الكينونة» لا يختلفون في شيء مع «الكائنات» سوى إنهم يضحكون يحين يُذلون! يُذلهم «الحيوان» الكامن فيهم "
ملاحظة : ظاهرلي يحكي على روحو السيد ...
إن أخطر ما يتهدد الحرية هم من لم يتدربوا على فعل التحرر
ملاحظة : لا يا بابا ... ما فماش أخطر مالشخص و إلا السلطة إلي تقمع الحريات ... و فالمرتبة الثانية العباد إلي تخمم كيفك
وإنهُ ليس لأي «سلطان» اقتدارٌ على منح الحرية
ملاحظة : أي صحيح كلامك ... السلطان مطالب فقط بش يخلي لعباد تمرس حرياتها في إطار القنون يا غالي
والسلام ...
samedi 10 juillet 2010
... حنين
في نهار كيما هذا ما نتصورش إلي فمّا تونسي مغروم بالكورة ما تفكرش الفينال متاع 2002 ... كاس عالم في كوريا الجنوبية و جابون
... الفينال إلي ما تفرّج فيه حتى واحد مقيم في تونس وقتها والسبب رغم إلي لليوم مافهمتوش هوا أنقطاع التيار الكهربائي ... غريب السبب صحيح أما هاكا إلي صار ... علاش قس الضوّ على جمهورية كاملة زادا هاذي حكايا مافهمتهاش
مانتصورش إلي عنا في بلادنا المتطورة علمياً صقاط واحد متاع ضوّ ... لكن شكون يعرف بلكشي ما عنا كان وحيد برك ... على خاطر صعيب تلقا تفسير لظاهرة ميتافزقية بحته كيما هاذي و إلي تخلّي صقطات السّتاق الكل تسوتي في نفس الوقت ...
المهم ماعليناش فيها لحكايا ... توّا هِيّا تعدات و زايد الحديث فيها برشا
لكن أنا اليوم نحب نوجّهْ نداء و بكل لُطف ... لشركة الكهرباء و الغاز الوطنية بش تثبتلنا في أمورها و بالأخص فالضغط العالي "إلي طاح السنا في ماتش الترجي و حمام الأنف" من هنا لوقت الماتش تفاديا لأي حادث أليم يفسد علينا نهائي جنوب أفريقيا 2010 ... وسأدعو لكم الرّبْ بالتوفيق
vendredi 9 juillet 2010
صورة وحكاية
مزالو نهارين و توفي كاس العالم ...
هالكاس إلي لهات برشاعباد, منهم أنا إلي رغم محاولتي الإبتعاد أكثر ما يمكن عن هالأجواء هاذي ...
ما نفيق بروحي ساعات كان مروح نزرب مالخدمة و شادِدْ كرسي فالقهوة نتبع بقرايح قلبي في الماتش ...
: ليامات تعدات بزربة ... لكن أكيد فما تصاور بش تقعدلي في الذاكرة ... منها
صورة قافلة الحرية و إلي تفكرني بعملية القرصنة الصهيونية أمام أنظار العالم كلوّو -
صورة الفوفوتزيلا و إلي رغم صوتها مالأول يكسر الكرايم -
إلا أنها مع الوقت عطات نكهة حلوة برشا للماتشوات ... أما زادا تفكرنتي بتاريخ شعب مناظل من أجل الحرية
"صورة تفكرني بحملة نهار على عمار 2 "جواب على عمار -
... هالحملة إلي تقاوم في غول النترنات و إلي بهالمناسبة نشالا ما يشمعليش المحل بعد التدونة هاذي
صورة تفكرني بفريقي المفضّل و إلي عندي سنوات نستنا في وصولو للفينال -
... و أخيرا خلط و نشالا نهز كاس العالم معاه كي مانيش خلط عليه في تونس
صورة الصحفي فاهم بوكدوس و هوا فالمستشفي ...إلي بهالمناسبة نتمنالو الشفاء العاجل -
... صورة مؤثرة و تعبر عن حال الصحافة في تونس
وفي خِظمْ هالأحداث هاذي الكل و على أمل الوصول إلى بر الأمان يوما
... ستواصل قافلتي السير إلي الأمام بين هذه الصفحات السوداء للمدونة ... بحثاً عن الحرية
mardi 6 juillet 2010
سأدون لك ... يا نور : غرباء
.jpg)
موش أنا إلي بش نحكيلك عالغربة على خاطر أنت تعرف أكثر مني الإحساس هذا
... الإحساس إلي عرفناه من أول نهار جينا فيه لدنيا, الإحساس إلي كبر معانا و كبرنا معاه,
الأحساس إلي حسيتو نهارت إلي أنت مشيت ... الإحساس إلي نحس فيه كل مرة نتفكرك فيها ...
... الغربة أنواع ... غربة البلاد ... غربة اللوغة ... غربة الثقافة ... غربة الأفكار ...
غربة تعيشها بين ناسك و ماليك, كي ما تلقا حد يسمعك و كان لقيت ما تلقا حد يفهمك, كي تبدا تستمتع باللا مبالاة متاع العالم إلي داير بيك و كي يولي الواحد يخلي في عزاها سكات و كي يولي الواحد يرى فالغلط و يقول الله يبارك ...
رغم تعدد أنواعها و درجاتها تقعد الغربة ديما صعيبة ... و أنا اليوم أخترت جملة مالإقتباسات و الأقوال مالمخزون الثقافي متاعنا و متاع أمم أخري و نحب نهديهملك و نهديهم لكل الغرباء في العالم
نبيل لوحيشي : الغربة حكايات, حكايا ما تشبه احكايا ... ناس تهنات و ناس تاهت بين ثنايا
La vie est un exil : chaque homme vit en lui-même comme en pays étranger. [Jean Ethier-Blais]
L'étranger te permet d'être toi-même, en faisant, de toi, un étranger [Proverbe senegalais]
Strangers in the night exchanging glances ...Wondring in the night What were the chances we'd be sharing love ...Before the night was through.[Frank Sinatra]
Truth is stranger than fiction [proverbe anglais]
... يقول النبي "صلى الله عليه وسلم": بدأ الإسلام غريبًا، وسيعود غريبًا كما بدأ، فطوبى للغرباء
samedi 3 juillet 2010
Une Pensée pour toi : سأدون لك ... يا نور
Proximo : " Nous mortel nous ne sommes qu'ombre et poussière ... Ombre et poussière Maximus ! "
jeudi 1 juillet 2010
حمد الرياضي ... المدونات 4 أنواع
عجبتني رسالة تدعثرت فيها اليوم فالفايس بوك (أطال الله في أنفاسو) و إلي تنجمو تقراوها هنا
... رسالة شيقة و تجمع بين الإمتاع و المؤنسة
أما إلي عجبني أكثر هوّا أستعمال أسلوب نعرفوه مليح ...
: أسلوب محللنا الرياضي و اللاعب الدولي السابق سي حمد المغيربي و بالأخص كي قال
"تنقسم المدونات التونسيه ل 4 اصناف ..."
!!! لا حلو ... لا حلو ياسر هالتقسيم الهايل و العادل في نفس الوقت سي حميدة ...
و ما غير ما ندخل في تفاصيل التقسيم هذا حبيت نقول إل صاحب هالرسالة حاجة برك : كان ع المدونات في تونس 4 أنواع الله أعلم ! أما كان ع تسنسير راهو ما عنا كان نوع برك ... و إسمو عمار 404 و نختم على طريقة الحمد الرياضي
" يا حميدة تريث ... و لا ترمي بنفسك في عرض البحر ... "
و غرْغرْ يا غراب ...
سأدون لك ... يا نور: االدخلة
مش بش تكون دخلة حلوة كي دخلات المكشخة في الدربي أيامات إلي كانت فمّا دخلة (يا حسرة ع زمنْ) ... على خاتر شي ما يفرح هالأيام ...
شي ما يفرح, من نهارت إلي مشيت يا نور ... من نهارت إلي جاني تاليفون و قالي إلي أنت ما روحتش لِدار, من نهارت إلي قلت هاني ماشي للفاك و ما رجعتش, من 1 أكتوبر 2009 ... من نهارتها و أحنا من نكبة لنكبة و حتى أيامات الفرح مش كي العادة
من 1 أكتوبر 2009 ... و الناس الكل كانو يتصوّروك بش تروح على قريب كيما كل مرة لكن يا خيبة المسعى و ستنينا برشا و لتوا هنا نستناو ...والأكيد إلي أحنا بش نستناوك مهما طالت المدة و ماهو لازم تو ربي يجيب و جوهنا لِضوّ
سأدون لك يا نور ... رغم إلي أنا متأكد إلي أنت مش بش تنجم تقرى هالتدوينة هاذي توّا ... لكن سأدون
... سأدون ما دامك أنت بعيد و ما دامني قادر على التدوين ...
... سأدون لك يا نور و سأدون للحرية
Inscription à :
Articles (Atom)