lundi 12 septembre 2011

مرَّ من هنا … يوم 14 جانفي


أيا مرحبا …
يا سيدي بن سيدي بعد المراوغة « واحد ثنين » إلي عملها الحزب الديمقراطي التقدمي مع مناضلين الحزب متاعو في فرع بنزرت … ولي تنجموا تلقاو تفاصيلها هنا وهنا

بدا الحزب حملة متع تطهير ونظافة كبيرة ومنها على الفيسبوك
 … عندكم مثلاً  ڨروب  …

دخلت خوكم  كالعادة نسرح في سويقاتي قلت نعمل طلة  … عاد وأنا فالڨروب  نتطلفح  من بوليكاسيون لبوليكاسيون هكاك و نطيحلكم بالتصورة هذي

PDP,Mehdi Ben Gharbia

في لحظة ضرب في مخي طول الباعث و قناتو المبعوثة 
 … " إلي لم ينتظر 14 جانفي"
لكن مش مهم …الجرب يعدي هذا شي عادي و معروف …

لذلك ممكن برشة فرع pdp بنزرت بش يطلق حملة من نوع
  " مهدي بن غربية … مرَّ من هنا يوم 14 جانفي " …

 بش يورينا قيمة رئيس القايمة متاعو
وعلى ما أعتقد مزال فما برشة ضحك و مفاجأت تنتظر فينا من عند سماحة السيد مهدي …
كيما مثلاً
« حفلة أم كلثوم فالقبة مهدي بن غربية حاضر …
  في الأرجنتين, كورة تميم عالبار  مهدي بن غربية زادة حاضر » 
(كيف المنوبي يرحم و ينعمو ) …

في الختام نحب نعبر على استغرابي الشديد ونحب زادة اندد بالحڨرة
 … وعلاش ميعطوليش أنا معه فالقايمة ؟؟؟

كان علىا من بنزرت … نهار 14 جانفي كنت موجود (عندي شهود و تصور زادة)
و كان على الأعوام لخرة عندي « CV » نضالي أصح منو …
صحيح ناقصني شوية حبس …
 أما حسب مانعلم مهوش شرط من شروط الترشح للمجلس التأسيسي ….

وفي إنتظار مهزلة ديمقراطية تقدمية جديدة
أيا سيدي السلام …

2 commentaires:

  1. barra etracha7 w taw ytal3ou fik sibba la cv yenfa3 w la 7abs yenfa3... sinon j ai aimé le ton ironique du texte..w hana nestannew fil mahazel..

    RépondreSupprimer
  2. @Mouja:
    شكراً على الزيارة ومرحبا بيك :))

    RépondreSupprimer