mardi 31 août 2010

!!! تبع الموجة




اليوم ريت لافتة فالبلاد معلقا متاع الجمعية التونسية للوقاية من حوادث الطرقات ...
إلي شد أنتباهي فيها هوا إلي الكلام المكتوب عليها مواكب للجو العام متاع 
"البلاد فالفترة هاذي ... "رمضنيات


... عاد مشيت نثبة في السيت (هنا) نلقا إلي فما حملة مكثفة في شهر رمضان 


 بصراحة مشكورة الجمعية عالعمل متاعها و عندهم الحق
على خاطرالتونسي في رمضان يخرج من عقلو ويتخمر ... كيما فالصيف و فالعطلة ... تي تنجم تقول متخمر عام 12 شهر



أنا بصراحة عجبتني البادرة الطيبة هاذي و ماذبيا كان الرسائل المكتوبة في شارع تواصل على نفس المنوال ...


: مثلا في فترة الأحتفال بتحول السابع من نوفمبر يكون شعارنا


"السرعة مخطرة : قد ما تنقص ديما شوية ... هاذي نظرة أستشرافية"


 : فالعودة المدرسية


"أرتداء الخوذة أجباري : تي نبيع والديها بإلي كتِبْ ... و لوليداتي نشري كتُبْ"


: مثلا في فترة راس العام يعلقولنا


"نحط كرهبتي قدام الدار ... و كعبات بيرا في أقرب بار"


هكا تكون الحملة مواكبة للأجواء
;)  و تكون الرسالة وصلت للمواطن  بشكل ساهل و بسيط


vendredi 27 août 2010

إجا وعمل طلة ... يا عمار



جيت نعمل في طلة على ركن الإحصائيات فالمدونة متاعي ...
!!! وما راعني إلا أني نلقا فمّا زوار من تونس
كيفاش يكون عندي زوز زوار من تونس الجمعا هاذي ...
 (والمدونة محجوبه(شوف الربط



? زعما فما لُجنة فالوكالة التونسية للأنترنات ... جات تتفقد فالمحل و في خدمة عمار
? و هوا فمّا غيرهم يجبد منوا للعين و يبحر فالأنترنات ماغير فيلتر 
زعما الفلتروات ولاو يقطرو المدة الأخرة ? و لاّ يطلعشي سي عمار تغرم بالبلوقسفار  ? يسنسر و مباعد يقعد يتبع فالمحلات إلي شمعها

بصراحة كان يطلع هوا ... شي ما يساعدش وكيما قالو ناس بكري
!!! "محل مسكر ولا كرية مشومه" 
(;

vendredi 20 août 2010

... راح أطير حمام


مبروك لي أهالي بن قردان و لتوانسة الكل بعد أنتهاء الأزمة و نشالا أيامنا الكل فرح
... رغم إلي صعبت الفرحة برشا هل الأيامات ...

... هكا واحد ينجم يعمل بون كيف عل المسلسات الرمضانية
... يمد سويقاتو في بيت الصالا و يخدّر روحو شوية بالتفاهات متاع موصيبة سبعة

: و يرحم والديك يا بالقاسم يا بن عمي كي قلت
"اذا الشعب يوما اراد الحياة ... فلا بد ان يستجيب القدر"

mercredi 18 août 2010

أحنا هكا ... وكان عجبك




الجنس ,الفلوس والإجرام ... هاذي حاجات ولات موجودة بكثرة في مسلسلاتنا السنين لخرة ... الشي إلي ماعجبش برشا عباد في الشارع التونسي من ناحية و قالو شهر فظيل و "ماناش متاع الشي هذا" و عجب عباد أخرين من ناحية أخرى و قالو باهي الواحد كي يرى عيوبو و أحنا هكا ...

 هوا كي تجي تشوف من ناحية "أحنا هكا", صحيح أحنا عنا برشا حاجات كيما المسلسلات متاعنا و نزيد نمشي لبعد و نقول إلي أحنا عنا حاجات أكثر مل المسلسلات و أتعس ملي نراو فيه و في جميع الميادين و كيما عنا حاجات باهيا زادا

? أما ويني 
? علاش ما يحكي عليها حد
?  زعما إلي نراو فيه في مسلسلاتنا هيا أهم القضايا متاع المواطن التونسي 
?  زعمة مانجموش نحكيو على حاجات أخرى
???  ولا على خطرالمواضيع الأخري ما توكلش الخبز

??? يا أخي علاش النقد متاعنا موش منجم يطاع فوق النص اللوطاني

أما كان تجي تشوف من ناحية " ماناش متاع الشي هذا ", صحيح شهر فظيل  تتلم فيه العايلة و مانا إلا مسلمين ... أما بالله رجاء مالعباد إلي تحكي هكا مايتفرجوش فالمسلسلات هاذي
 على خاطر عيب برشا واحد يحكي و عاطي ما عندو و ينقد و مش عاجبو و في ليل تلقاه مبنك يتفرج مدور بيه عايلتو تاي و كاكوية و ما هوش هنا
نرجعو إلي مثال مسلسل "المكتوب" و إلي رغم الحديث
!!! و رغم النقد تفرجو فيه 8/10 مالتوانسة 
كان الناس إلي متقلقة كلها ما كملتش تفرجت فيه راهو ما جابش نسبة كبيرة كيما هاذي و راهو المنتج ممكن كان يحترمهم أكثر و  ياخو رايهم بعين الأعتبار في المسلسل الجاي

و أنا نتصور فالوقت الحالي قناتنا الوطنية و إلي نسبة كبيرة مالمدخول متاعها يوفرهولها المواطن التونسي مش بش تبدل السياسة متاعها ... على خاطر السنوات الفارطة السياسة هاذي أثبتت نجاحها و كانت رابحة وعطات مرابيح كبيرة ... و المنتجين متاع المسلسلات هاذي كيف كيف ماهيش بش تبدل ... مادمنا أحنا ما تبدلناش

الشي إلي قاعد يصير ماعندو حتى علاقت بالفن و هوا نتيجة إلي المناخ العام إلي قاعدين 
 ...نعيشو فيه ... أحنا في وقت إلي الفلوس هيا إلي تحدد الأختيارات متاع العمل مهما كان 

وقت يولي مجال الإبداع ظيق, وقت إلي القيم ماعاد عندها حتى قيمة و وقت إلي ربح المال هوا الهدف الوحيد حتى على حساب القيم و الأخلاق ... ما نتصورش إلي النتيجة   تنجم تكون خير من هكا 

vendredi 13 août 2010

... كل عام وأنت بخير



البارح 13/08/2010 أحتفلنا بعيد المرأة ... المرأة إلي تمثل نص المجتمع و إلي لازمها تلعب دور هام في جميع المجالات ...فالحياة الأسرية, في الأقتصاد ...و حتى فالحياة السياسة

تحرر المرأة و إلي قاعدين نحكيو عليه منذ سنوات خصوصا في وسائل الأعلام متاعنا بصراحة بعيد برشا عل الواقع والمكاسب إلي يحكيو عليها حسب رأي الخاص ما تعكسش الواقع إلي نعيشو فيه ...

صحيح فما حاجات تحسنت أما بيناتنا فمّا برشا حوايج خطيرة تهدد المرأة و قاعدين يصيرو كل يوم و إلي مش ممكن بش يتحسن وظع المرأة مادمنا ساكتين عليها...

زعما المرأة إلي كانت تعاني من تسلط راجلها و عايلتها قبل ما ولاتش تعاني زادا
? من  تسلط أصحاب الشركات و العباد إلي تخدم عندهم

? زعما الأجور إلي تتقاضا فيه المرأة في برشا ميادين هيّا أجور عادلة

هل الحرمة متاع المرأة و الكرامة متاعها محترمة ...
? فالكار فالمترو فالأماكن العمومية ... 

هل من المعقول إنا نسهلو إنخراط المرأة في مختلف الميادين و ما نحطوش الطرق و الأساليب الكفيلة بش نحميوها و نحفضو كرمتها من جميع التجاوزات كيم التحرش الجنسي و غيرو
? ... الشي إلي قاعد نراو فيه فالمعاهد متاعنا,في الجامعات, في مواطن الشغل

? زعما ماوليناش سعات نستعموا فالمرأة كمظهر كجسد  وكوسيلة للأغراء

برشا أسئلة و نقاط إستفهام ... والأكيد حسب رأي إلي المسؤولية مشتركة ,مسؤولية الراجل ... مسؤولية المرأة ... ومسؤولية كل القوى الفاعلة فالمجتمع ...
و في انتظار غد أفضل ... كل عام والمرأة ب1000 خير

lundi 9 août 2010

فيسبوكيات ... On the road to 2014


كثر الحديث هالأيامات عالإنتخابات الجايا خصوصاَ في وسائل الأعلام التونسية وحتى فالفيسبوك ...
 والملفة للإنتباه هوا المنافسة الشديدة إلي ممكن تصير كان بش نواصلو على المنوال هذا













? والسؤال المطروح ياخي فاش قام الزربة هاذي الكل  
??? و أحنا أش موصلنا لنهار هاكا ... ياخي موش قالو الدنيا توفا  2012

;) المهم عل الدزّا هاذي أنا مانبهتش كان وفات

 !!! ربي يهدي ماخلق و لي الله درك يا خظرا

dimanche 8 août 2010

بحبك يا حمار



قصيده للشاعره إيمان بكري بعنوان بحبك ياحمار


بيقولوا فيه مطرب مكار - بيغنى بحبك يا حمار 

الواد ده وصولى وكداب - ومنافق وكمان معار 

واشمعنى لوحده اللى يحبك - كلنا بنحبك يا حمار

ده لأ نك فعلا متفاهم - ومبرطع فينا ومش فاهم 

وبتبعد عن اى تفاهم - بعزيمة غبية واصرار

فيه عشرة ما بينا ما بتهونشى - وان هانت برضه ما نقدرشى

محكمة العدل ما تحكمشى - وان حكمت هتولع نار

مثلتوا علينا الثلاثية فى بطولة وكانت جماعية 

وعلشان ما هتكمل سداسية - عملتوا الف حصار وحصار 

وفى وسط ميدان الحرية - فيه شعلة ومسكاها وليه

ما تكونشى دى ليزا المخفية - مدية اشارة انذار 

وعلى العموم انا حبيتك - والهى يا بعيد يخرب بيتك 

لو يوم هتشك فى ا خلاصى - وتصدق نم الاشرار 

هو سؤال وما فيهش هزار - هو انت يعنى حمار يا حمار 

علشان تصدق ان الفار - يمكن يقول للأسد ياحمار 

وبعاهدك والعهد امانة - هتنك على طول ويانا

حمورية اهلك عجبانا - يا وخدنا من الدار للنار

كل الحميره ان عملت تيم - واتفقوا انك بغل عظيم 

هيوزعوا شربات برسيم - على العربخانه وعلى الزوار 

ارجوك ياحمار بس افهمنى -انا مش حمار هتخاف منى 

انا برضه حمار واحمر منك - ما تنهق قول اى حوار

ونقول لك شى ما بتمشيشى- والحا بنقولها ما بتجيشى

ونقولك هس ما بتهسش- ومكمل بينا المشوار 

وعلشان كده طبعا حبيينك - كلنا بنحبك يا حمار

lundi 2 août 2010

فيسبوكيات ... BEST OF THE BEST


الحقيقة متاع ربي أنا ماحبيتش اليوم نحكي على حكايت "يحيا بيبي" وحاولت نشد روحي إلى أقصى حد ...
 أما الله غالب إلي ريتو اليوم من تفاعلات الشعب التونس الكريم شي كبير ... تدخلات رشيقة من جميع النواحي ...
 في الظمار في السبان في الحماس و فالخروج عل الموضوع ...
هيا حكايا تظحك و تبكي في نفس الوقت ... مش بش نحكي عليها توّا عملة سي محسن ...
: أما حبيت نقدم بعض المقتطفات ملي ريتو اليوم ... 








زايد واحد يطول الحديث ... لي الله درك ياتونس و يبقي عليك الستر و برّا